SQO polıtseıleri iz-tússiz ketken 50 adamdy izdep tapty
ASTANA. QazAqparat - Soltústik Qazaqstan oblysynda jyl basynan beri 55 adam iz-tússiz joǵalyp ketken. Onyń 50-in polıtseıler aman-esen taýyp, úılerine qaıtardy, dep habarlaıdy «QazAqparat» HAA tilshisi.
SQO ІІD baspasóz qyzmetiniń keltirgen málimetine súıensek, kóp jaǵdaıda adamdardyń joǵalyp ketýine otbasy jaǵdaıyndaǵy kelispeýshilikter nemese qarapaıym jaýapsyzdyq sebep bolýy múmkin.
«Petropavl qalasynyń 1979 jylǵy turǵyny polıtsııaǵa habarlasyp, ózimen birge turatyn baýyrynyń joǵalyp ketkeni týraly aryz jazdy. Bul ishimdikke qumar baýyrynyń birinshi ret joǵalýy emes edi. Aryz berýshiniń aıtýynsha,joǵalǵan baýyry úıden ketpeı turyp bir kún buryn aılyǵyn alǵan. Osy sebepti jigittiń joǵalý sebebin bildik. Іzdeý jumystary bir aptaǵa sozyldy. Polıtsııa qyzmetkerleriniń izdemegen jeri joq. Aqyry álgi jigit meıramhanalardyń birinde káýáp jep, mas bolyp otyrǵan jerinen tabyldy», - deıdi Petropavl qalalyq ІІB qylmystyq polıtsııa bóliminiń bastyǵy, polıtsııa maıory Rýslan Syzdyqov.
Habarsyz úıinen ketip qalatyndardyń ishinde densaýlyǵyna baılanysty joǵalyp ketetinder de bar. Máselen, Zaınýtdınov Rıvhat Haırýshevıch esimdi 1949 jylǵy azamat 5 shildeden beri tabylmaǵan. Jasy kelgen adamnyń este saqtaý qabileti nashar bolǵandyqtan, buryn da iz-tússiz ketip júrgen. Boıy 170 sm, aryq deneli, qysqa shashty, joǵalar kezdeashyq tústi qysqa jeńdi kóılek, kók tústi trıko kıgen kári adamdy kórgenderbolsa, habar berýdi suraıdy.
Jyl basynan beriiz-tússiz ketken 55 (olardyń ishinde 19-y - Petropavldan) adamnyń 50-i tabylyp (17-iPetropavldan) úıine qaıtarylǵan.
