SQO polıtseıleri byltyrdan beri ustatpaı júrgen uryny quryqtady
ASTANA. QazAqparat - Soltústik Qazaqstan oblystyq polıtsııasy 1 mıllıon teńgege jýyq aqshany jymqyryp, qashyp júrgen Aqtaý qalasynyń turǵynyn ustady, dep habarlaıy «QazAqparat» HAA tilshisi.
SQO ІІD baspasóz qyzmetiniń habarlaýynsha, SQO qylmystyq polıtsııa qyzmetkerleri qashyp júrgen Aqtaý qalasynyń turǵynyn jaqynda ǵana qolǵa túsirgen. 38 jastaǵy uryny Mańǵystaý oblysynyń quqyq qorǵaýshylary ótken jyldyń naýryz aıynan beri izdestirip júrgen. Ustalǵan adam quzyrly organnyń málimetine sáıkes, páterdi tonap, 1 mıllıon teńgege jýyq qarajatty qoldy qylǵan. Onyń ústinen QR Qylmystyq kodeksiniń 188-baby 3-bóligi boıynsha qylmystyq is qozǵaldy.
SQO ІІD qylmystyq polıtsııa basqarmasynyń bastyǵy Petr Klımovtyń aıtýynsha, Soltústik Qazaqstanda jyl basynan beri 53 adamǵa izdeý jarııalanǵan. Olardyń 41-i qazirgi ýaqytta ustalǵan.
Tergeý boljamyna sáıkes, Reseı men Ózbekstanda 7 soltústikqazaqstandyq qashyp júrgen kórinedi.
