SQO polıtseıleri byltyr iz-túzsiz ketken er adamǵa izdeý saldy
PETROPAVL. QazAqparat - Petropavl qalasynyń qylmystyq polıtsııa bólimi 60 jastaǵy er adamdy izdep jatyr, dep habarlaıdy QazAqparat tilshisi.
Soltústik Qazaqstan oblystyq polıtsııa departamenti baspasóz qyzmetiniń aqparatyna sáıkes, Aleksandr ıAkovlev 4 tamyz kúni úıinen shyǵyp ketken. Sodan beri onyń qaıda ekeni belgisiz. A. ıAkovlev «Gorızont» baý-baqsha qoǵamynda turǵan.
Onyń belgileri: dene bitimi ortasha, boıy 175-180 santımetr, shashy qysqa, qaraqońyr, qoı kózdi, murty bar. Úıden shyǵarda basynda qara tústi bas kıim, ústinde qara kúrte, kók svıter, kók djınsy shalbar, aıaǵynda qara báteńke bolǵan.
Polıtseıler A. ıAkovlevtiń qaıda ekeni týraly qandaı da bir málimetke ıe azamattardan «102» nómirine habarlasýyn suraıdy.
Olesıa Jýkoven
