SQO polıtseıleri bir kún ishinde izdeýdegi 8 qylmyskerdi ustady
PETROPAVL. QazAqparat – Soltústik Qazaqstan oblysynyń polıtseıleri 18-19 naýryz aralyǵynda «Іzdestirý» memleketaralyq jedel- profılaktıkalyq is-sharasyna qatysty, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, eki kún ótken is-shara aıasynda Qazaqstan jáne TMD elderiniń polıtsııa qyzmetkerleri ózara árekettese jumys istegen.
Maqsat - shet memleket aýmaǵynda sot tóreliginen jasyrynyp júrgen qylmyskerlerdi tabý. Nátıjesinde, esirtki qylmystaryn jáne jalǵan qujattar jasaǵany, paraqorlyq, ekstremıstik is-áreket jasaýǵa shaqyrǵany jáne tonaǵany úshin reseılik polıtsııanyń izdeýinde bolǵan tórt qazaqstandyq jáne RF bir azamaty ustaldy. Bul qylmyskerlerdiń barlyǵyn reseılik tarapqa soltústikqazaqstandyq jedel ýákilder taýyp berdi.
«Bul jumys TMD elderiniń Іshki ister mınınıstrlikteri arasyndaǵy qol jetkizgen kelisimder aıasynda turaqty túrde júrgiziledi. Memleketaralyq jedel-profılaktıkalyq is-sharasy barysynda jedel aqparatpen almasý jedeldetiledi, basqa polıtsııa bólinisteriniń kúshteri tartylady», - dedi SQO PD Krımınaldy polıtsııa basqarmasynyń bastyǵy Petr Klımov.
Petropavlda Pavlodar oblysynyń 24 jastaǵy turǵyny ustalyp, qamaýǵa alyndy. Ol ózi turyp jatqan Ertis aýdanynda kompıýterdi jóndeýge alyp, keıin eki aıdyń ishinde ıesinen qosalqy bólshekterge dep taǵy 88 myń teńge talap etken, alaıda kompıýterdi jóndemegen. «Alaıaqtyq» baby boıynsha is sotqa joldanǵan soń, kúdikti izin sýytqan eken.
Sondaı-aq, Krımınaldyq polıtsııa bólinisteriniń qyzmetkerleri SQO-da shartty túrde merziminen buryn bosatý rejimin oryndaýdan jaltarǵan eki adamnyń júrgen jeri anyqtady. Olar ishki ister organdaryn habardar etpeı, turǵylyqty jerin aýystyrǵan. Ekeýi de qamaýǵa alyndy. Іs-sharanyń alǵashqy kúni oblys aýmaǵynda izdeýdegi 8 qylmysker jáne iz-tússiz joǵalǵan 2 adam ustaldy.
