SQO polıtseıleri Astana turǵynyn tańǵaldyrdy
PETROPAVL. QazAqparat - Soltústik Qazaqstan oblysynda polıtseıler jolda buzylyp qalǵan avtobýstyń qasynda jarty kún boıy kezekshilik etken, dep habarlaıdy QazAqparat tilshisi.
Oblystyq ishki ister departamenti baspasóz qyzmetiniń aqparaty boıynsha, Reseı men Ońtústik Qazaqstan oblysy aralyǵynda qatynaıtyn 42 jolaýshysy bar avtobýs jolda buzylyp, túnde Mamlút aýdany Beloe aýylyna jaqyn mańda qalyp qoıǵan.
Avtobýsty oblystyq jol-patrýl polıtsııasy batalonynyń ekıpajy baıqap qalǵan. Tártip saqshylary TJ aldyn alý úshin avtobýstyń qasynda ony jóndep bitip, jolǵa shyqqanǵa deıin kezekshilik etken.
Jergilikti polıtsııa qyzmeti bastyǵynyń mindetin atqarýshy Arystan Sultanǵazıevtiń aıtýynsha, túnde joldy kórý qıynǵa soǵatyndyqtan, soqtyǵysý qaýpi joǵary bolady.
Soltústikqazaqstandyq patrýldiń jumysy Astana turǵyny Marına Cheıshvılıdi tańǵaldyrdy. Áıel rýldi basqaryp sharshap, joldyń boıyna toqtaǵan. Onyń aıtýynsha, joldan ótip bara jatqan patrýl mashınasy qaıta kelip, kómek qolyn usynǵan. Bul jaǵdaı Marınany tań-tamasha etti.
«Sizder shynymen meniń jaǵdaıymdy bilý úshin ǵana toqtadyńyzdar ma? Solaı da bola ma? Men sizderdi tártip buzǵandar ǵana qyzyqtyrady dep oılasam» dedim tańyrqap. Jigitter meniń qyzyq suraǵyma kúldi... ıAvlenkada toqtaǵannan keıin, ári qaraı jolǵa shyqtym. Tanys patrýl mashınasyn kórip, qol bulǵap edim, olar da maǵan qol bulǵap, izet bildirdi. Júregimdi qýanysh kernedi. Qurmetti QR ІІM SQO Іshki ister departamenti, jol polıtsııasy batalonynyń keremet jigitterine sheksiz alǵys bildirýge ruqsat etińizder!», - dep jazdy astanalyq Marına Cheıshvılı áleýmettik jelidegi paraqshasyna.
