SQO polıtseıleri 7 adamdy órtenip jatqan úıden alyp shyqty
NUR-SULTAN. QazAqparat – Soltústikqazaqstandyq tártip saqshylary 7 adamdy tilsiz jaýdan qutqaryp qaldy, dep habarlaıdy QazAqparat SQO Polıtsııa departamentine silteme jasap.
«Kókshetaý-Rýzaevka» tasjolynda kezekshilikte júrgen jol saqshylary Erlan Dankın men Azamat Bqoev tańǵy saǵat 06:30 kezinde Aıyrtaý aýdanynyń ortalyǵy Saýmalkól eldi mekenindegi janar-jaǵar maı beketine toqtaǵan. Osy sátte kómek suraǵan daýysty estigen olar birden oqıǵa ornyna jetedi. Osylaısha janyp jatqan úıdiń terezesinen ishtegi adamdardyń barlyǵyn syrtqa shyǵaryp, órt sóndirýshilerdi shaqyrtqan. Jedel qutqarý toby órttiń neden shyqqan saldaryn anyqtaýda», - delingen habarlamada.
«Úıdiń terezesinen kómek suraǵan daýystardy estidik. Sodan soń qorshaýdan sekirip ótip, janyp jatqan úıdiń ishinen 3 kishkentaı bala jáne 4 áıel adamdy syrtqa shyǵardyq. Qutqarý kezinde janyp jatqan úıdiń kórshisi bizge kómek kórsetti», - dedi SQO Polıtsııa departamentiniń ınspektory Erlan Dankın.
