SQO polıtseıleri 50-den astam zańsyz saqtalǵan qarý tárkiledi
PETROPAVL. QazAqparat - SQO polıtseıleri 50-den astam zańsyz saqtalǵan qarý tárkiledi, dep habarlaıdy QazAqparat.
Aımaqtaǵy polıtsııa departamenti ókilderi jyl basynan beri azamattyq qarý saqtaý jáne qaıta tirkeý erejelerin buzýdyń 562 deregi anyqtalǵanyn da atap ótti.
Polıtsııaǵa qarýdy óz erkimen tapsyrý naýqany barysynda 23 qarý rásimdelgen. ÁQBtK-niń 482-baby boıynsha aınalymnan – zańsyz saqtalǵan 56 qarý tárkilendi. Al ÁQBtK-niń 484-baby boıynsha 403 adam ákimshilik jaýapkershilikke tartyldy.
«13 maýsym kúni «Jol-kólik oqıǵalaryn toqtatamyz» jedel-profılaktıkalyq is-sharasy barysynda Esil aýdany polıtsııa bóliminiń qyzmetkerleri túngi saǵat 1.00 shamasynda Cherýnovka aýylynda GREAT WALL kóligin toqtatty. Kóliktiń salonynda eki dana ańshylyq qarý bolǵan. Onyń biri tirkelmegen», – dep atap ótti SQO PD Ákimshilik polıtsııa basqarmasynyń bastyǵy Serik Áljanov.
Petropavl qalasynyń 44 jastaǵy azamatyna tirkelmegen TOZ-63, 16 kalıbrli ańshy myltyǵyn saqtaǵany úshin hattama toltyryldy. Ol Qylmystyq kodekstiń 484-babynyń 1-bóligimen (Azamattyq, qyzmettik, marapattyq, kollektsııalyq qarýdy, onyń patrondaryn ıelený, berý, esepke alý, saqtaý, paıdalaný, tasymaldaý, Qazaqstan aýmaǵyna ákelý, Qazaqstan aýmaǵynan áketý jáne Qazaqstan aýmaǵy arqyly tranzıtpen ótkizý tártibin buzý) boıynsha ákimshilik jaza arqalady. Qarý saraptamaǵa jiberildi.
