SQO: «Paryz 2017» oblystyq baıqaýynyń jeńimpazdary marapattaldy
ASTANA. QazAqparat - Petropavlda «Paryz 2017» jáne «Eńbek joly» oblystyq baıqaýlarynyń jeńimpazdaryn marapattaý rásimi ótti, dep habarlaıdy oblys ákimdiginiń resmı saıty.
Sharada Soltústik Qazaqstan oblysynyń ákimi Qumar Aqsaqalov memleket tarapynan kásipkerlikti damytý, bıznesti júrgizý úshin barynsha jaǵdaı jasalyp jatqanyn atap ótti. «SQO-da shaǵyn jáne orta bıznes qarqyndy túrde damyp jatyr. Buǵan tsıfrlar aıǵaq bola alady. Bıylǵy jyldyń alǵashqy jartysynda shaǵyn jáne orta bıznes ókilderi bıýdjetke 18 mıllıard teńge salyq quıdy nemese ótken jyldyń osy kezeńimen salystyrǵanda 25 paıyzǵa kóp. Ekinshi deńgeıdegi bankter bızneske 38 mıllıard teńge nesıe berdi. Ótken jylǵy kórsetkishpen salystyrǵanda bir jarym ese kóp», - dedi Qumar Aqsaqalov.
10 jyl buryn Memleket basshysy «Paryz» baıqaýyn jarııalaǵan bolatyn. Osy ýaqytta oǵan 212 soltústikqazaqstandyq kásiporyn qatysqan bolatyn. Onyń 14-i respýblıkalyq kezeńniń nomınanttary atandy.
Kezdesý barysynda marapattaý rásimi ótti. «Paryz - jetistiktiń 10 jyldyǵy» baıqaýy aıasynda oblys ákiminiń alǵys hatymen «Mamlıýt ún úgý kombınaty» jáne «Sultan elevator-dıirmen-makaron kesheni» marapattaldy.
«Eńbek joly» baıqaýynda «úzdik eńbek áýleti» nomınatsııasy boıynsha «SevKazEnergo» PTETs-2 jumys isteıtin Zozýlıa otbasy jeńiske jetti. «Jumys isteıtin jastardyń úzdik tálimgeri» nomınatsııasynda JK «Ahmýtdınov» aǵash sheberi Meıirhan Qasymov marapattaldy. «Óndiristiń úzdik jas qyzmetkeri» bolyp «Radýga» JShS sheberi Rýslan Tolstyh atandy. Úsh jeńimpaz 100 myń teńge kóleminde aqshalaı syıaqy aldy.
«Paryz 2017» baıqaýy boıynsha «Úzdik áleýmettik jaýapty kásiporyn nomınatsııasynda «Daıyndyq-Agro» JShS, «Prometeı-Agro» JShS jáne «Nejınka-Erke» JShS jeńiske jetti.
«Daıyndyq-Agro» seriktestiginiń dırektory Birjan Sháımerdenov Daıyndyq aýylynda bıyl jumysshylarǵa 5 úıdiń turǵyzǵanyn aıtty. Medıtsınalyq pýnkt salynyp, aýyldyqtar ortalyq sý júıesine qosylypty. Óńir basshysy osyndaı eline jany ashıtyn bıznesmenderdiń jyl sanap qatary qalyńdaý kerektigin aıtty.
«Eńbek qorǵaý salasyndaǵy úzdik kásiporyn» jáne «Úzdik ujymdyq shart» nomınatsııalarynda «Qazaqtelekom» AQ fılıaly SQOTD, «Móldir sý-2016» JShS jáne «Andreevka SK» JShS úzdik atandy. «Qorshaǵan ortaǵa úles» nomınatsııasynda «ZIKSTO» AQ jáne «Izolıt» JShS marapattaldy.
Óńir basshysy marapattalǵandardy quttyqtap, Astanada ótetin respýblıkalyq baıqaýdyń ekinshi irikteý kezeńinde oblystyń namysyn laıyqty túrde qorǵaýǵa tilek bildirdi.
