SQO: para alǵan kóliktik baqylaý ınspektsııasynyń mamany ustaldy

NUR-SULTAN. QazAqparat - Soltústik Qazaqstan oblysy boıynsha Sybaılas jemqorlyqqa qarsy qyzmet «Soltústik Qazaqstan oblysy boıynsha kólik baqylaý ınspektsııasy» RMM-niń mamanyna qatysty sotqa deıingi tergeýdi bastady.

Bul týraly QR Sybaılas jemqorlyqqa qarsy is-qımyl agenttiginiń jedel-tergeý qyzmetiniń nátıjeleri týraly ótken onlaın brıfıngte aıtyldy, dep habarlaıdy QazAqparat tilshisi.

«Ol Reseılik kásipkerden burǵylaý qondyrǵysyn oblys aýmaǵynda kedergisiz tasymaldaý jáne ári qaraı jalpy qamqorlyq kórsetý úshin 500 myń teńge somasynda para alý kúdigine ilikti», - deıdi QR Sybaılas jemqorlyqqa qarsy is-qımyl agenttigi 1-shi departamentiniń asa mańyzdy ister jónindegi tergeýshisi Danııar Bıǵaıdarov.

Kúdikti Petropavl qalasynyń Polıtsııa basqarmasynyń ýaqytsha ustaý ızolıatoryna qamaldy.