SQO ózeninde sý deńgeıi bir táýlikte 167 sm kóterildi
PETROPAVL. QazAqparat – Soltústik Qazaqstan oblysy Ǵ.Músirepov aýdanyndaǵy Kovylnoe, Vozvyshenko eldi mekenderiniń janynan ótetin Aqanburlyq ózeniniń sý deńgeıi kúnnen-kúnge kóterilip keledi, dep habarlaıdy QazAqparat tilshisi.
«Qazgıdromet» RMK SQO fılıalynyń málimetinshe, Aqanburlyq ózeniniń deńgeıi Kovylnoe eldi mekeniniń mańynda bir táýlikte 167 sm kóterilse, Vozvyshenkoda 154 sm artqan. Bul jerlerde muz keptelisi baıqalady. Al Gýsakovka eldi mekeni mańynan ótetin Babyqburlyq ózeni 84 sm kóterildi.
Esil ózeniniń de sýy kúnnen-kúnge molaıyp jatyr. Ǵ.Músirepov aýdanyndaǵy Toqsan bı aýylynyń janynda ózen deńgeıi bir táýlikte birden 135 sm, Sergeevka qalasynyń mańynda 99 sm, Esil aýdany Pokrovka eldi mekeniniń mańynda 117 sm, al Qyzyljar aýdany Novonıkolskoe eldi mekeninde 52 sm artqan.
«Sergeev sý qoımasynda sý deńgeıi 890 sm jetti. Bir táýliktegi ózgeris 20 sm. Sý qoımasynan sekýndyna 453 tekshe metr sý jiberilip jatyr. Bógetten bıiktigi 90 sm sý asyp tógilip jatyr. Petropavl sý qoımasynda sý deńgeıi 707 sm, bir táýliktegi ózgeris - 4 sm», - delingen «Qazgıdromet» RMK SQOF habarlamasynda.
