SQO ózeninde balyqtyń jappaı qyrylý sebebi anyqtaldy
PETROPAVL. QazAqparat – Soltústik Qazaqstan oblysynda Aıyrtaý aýdanynyń Kishi Qoskól kólinde balyqtyń qyrylý sebebi anyqtaldy, dep habarlaıdy QazAqparat.
Eske salsaq, bıylǵy tamyz aıynyń sońynda kólde 500 keli móńke balyǵy qyryldy. Ekologııa departamentiniń mamandary kólden sý synamalaryn alyp, tekserdi.
«Vedomstvoaralyq jumys tobynyń otyrysy ótti. Komıssııa laboratorııalyq zertteýler nátıjesin eskere otyryp, balyq sýda kúkirtsýtektiń bolýynan óldi degen tujyrymǵa keldi. Sý qoımasynyń jaǵdaıyn turaqty baqylaý sheshildi. Kóldi qoldanyp otyrǵan «Pershına I.D.» jeke kásipkerligine balyq resýrstarynyń qyrylýy qaıtalanbas úshin ǵylymı mekememen birge sý qoımasyna keshendi zertteý júrgizý usynyldy», - dedi Ekologııa departamentinen.
Aıta ketsek, bıylǵy mamyr-tamyz aılary aralyǵynda SQO-da balyqtyń qyrylýynyń úsh faktisi tirkeldi.
Mamyrda M.Jumabaev aýdanyndaǵy Pıtnoe kólinde boldy. 500 keli móńke sýǵa kúkirtsýtektiń túsýinen ólgen.
Tamyzda móńke balyǵy Taıynsha aýdany Shaǵlyteńiz kólinde qyryldy. Ekologııa departamenti bul oqıǵanyń naqty sebebin búginge deıin jarııalaǵan joq.
