SQO ózenderinde jarylys jumystary bastaldy
SQO tótenshe jaǵdaılar departamenti baspasóz qyzmetiniń málimetinshe, muz kóbesin sógý maqsatynda Sileti ózeniniń saǵasynda jarylys jumystary júrgizildi.
Qýlykól eldi mekeniniń mańynan ótetin ózenniń 4 ýchaskesinde muz jaryldy.
Bul jumysty osy iste mol tájirıbesi bar «Kókshe-BÝR» JShS mamandary atqardy. Al jarylys jumystarynyń jalpy aýdany 1 myń sharshy metrdi qurady.
«Jaýapty is-shara qaýipsiz ótýi úshin turǵyndar aldyn ala habarlandy. Sondaı-aq oqıǵa ornynda Ýálıhanov aýdany tótenshe jaǵdaılar bóliminiń, aýdandyq turǵyn úı-kommýnaldyq sharýashylyǵy, jolaýshylar kóligi jáne avtojoldar bóliminiń basshylary, Qulykól aýyldyq okrýginiń ákimi jáne ýchaskelik polıtsııa ınspektory kezekshilik etip, jumystyń tıisti deńgeıde ótkizilýin baqylaýda ustady», - deıdi SQO TJD bólim bastyǵy Sáken Aǵzamov.
Mamandardyń aıtýynsha, muz kóbesin sógý kóktemgi sý tasqyny kezinde muz keptelisin týdyrmaý úshin jasalady.
Aǵyn sýdyń joly ashylyp, tasqyn sýdyń kúshin álsireted, osylaısha sýdyń kóterilý deńgeıin tómendetýge múmkindik beredi.
«Ózende muz jarý jumystary júrgizilgennen keıin jarylys tolqynynan muzda jaryq paıda bolady. Sondyqtan mundaıda muz betine shyǵý adam ómirine qaýipti ekenin eske salamyz», - deıdi Sáken Aǵzamov.
