SQO: Orman sharýashylyǵynyń dırektoryna 6,7 mln teńge aıyppul salyndy
«Sybaılas jemqorlyqqa qarsy is-qımyl agenttiginiń Soltústik Qazaqstan oblysy boıynsha departamenti Soltústik Qazaqstan oblysy ákimdiginiń «Sokolov orman sharýashylyǵy» kommýnaldyq memlekettik mekemesiniń dırektory M. Qurmanǵalıevke qatysty sotqa deıingi tergep-tekserýdi aıaqtady», - delingen habarlamada.
M. Qurmanǵalıev jalpy kólemi 600 tekshe metr bolatyn aǵashtardy kesip, tasyp áketýge quqyq beretin qujattardy esh kedergisiz resimdeý úshin jekemenshik kompanııanyń dırektorynan 396 myń teńge mólsherinde para alǵan.
2 shilde kúni Qyzyljar aýdandyq sotynyń úkimimen M. Qurmanǵalıevke 6 mln 750 myń teńge mólsherinde aıyppul salyndy.
Sot aıyppuldy tóleý merzimin 2 aı dep belgiledi. Eger aıyppul tólenbese, ol bas bostyndyǵynan aıyrý jazasymen aýystyrylady.
Budan bólek, sottalýshy ómir boıy memlekettik qyzmette laýazym ıelený quqyǵynan aıyryldy.