SQO oqýshylary Túrkistandaǵy kıeli jerlerdiń vırtýaldy nusqasyn jasamaq
Petropavldaǵy NIS oqýshylary «Týǵan elge taǵzym» ekspedıtsııasyna qatysyp, Túrkistan oblysynda bolyp keldi. Sapardan alǵan áserleri sonshalyq, endi olar kıeli de, kórkem jerlerdiń vırtýaldy nusqasyn jasamaq. Balalar jumysty Qoja Ahmet ıAsaýı kesenesinen bastaýdy josparlap otyr. Keıin «Kerýen saraıdyń» «qurylysyna» kirispek. Oqýshylar ekspedıtsııa barysynda biregeı ǵımarattyń qurylysyn, dızaınynyń erekshelikterin zerttedi. Endi «Minesraft» platformasynda týrıstik nysannyń týra kóshirmesin jasaıdy.
«Pandemııaǵa baılanysty «Týǵan elge taǵzym» jobasyn uıymdastyrýda ózgeshelikter boldy. Oqýshylar aldymen jelilik saıysqa qatysty. Aıǵanym qonysy, Aǵyntaı men Qarasaı batyrlar kesenesi syndy mýzeılerdiń vırtýaldy dál kóshirmesin jasap, ekspedıtsııalyq jumystaryn usyndy. Men oqýshylarǵa jetekshilik ettim. Azat Ańdamasov, Abınur Asqar men Danııar Ramazan esimdi oqýshylardan quralǵan top júldeli orynǵa ıe boldy. Osylaısha kıeli Túrkistan jerinde saıahat jasaýǵa múmkindik beretin joldama bizge buıyrdy», – deıdi Petropavl qalasyndaǵy NIS dırektory, ekspedıtsııalyq top jetekshisi Danııar Ýálıev.
«Týǵan elge taǵzym» ekspedıtsııasy aıasynda balalar kıeli Túrkistan jerindegi Arystan-Bab kesenesi, Kerýen saraı, Domalaq ana, Gaýhar ana mavzoleıi, Otyrar ortalyǵy, Qoja Ahmet ıAssaýı kesenesi syndy kóptegen nysandardy aralady. Shymken qalasyna sapar shekti.
«Túrkistan saparynan alǵan áserim zor. Biz tarıhı-mádenı nysandardy jaı týrıst retinde aralap qoımaı, ǵımarattardyń ereksheligine mán berdik. Qurylysshy, arhıtektor retinde qaraýǵa tyrystyq. Óıtkeni bizdiń aldymyzda úlken jaýapkershilik tur. Jumysqa kirisip kettik. Vırtýaldy álemde bul ǵımarattardyń ásemdigin barynsha beıneleýge kúsh salamyz. Bul jumysymyzdy el Táýelsizdigi mereıtoıyna arnaımyz», – deıdi Azat Ańdamasov.
Jas zertteýshiler bolashaqta «Minesraft» platformasynda ózderi jasaǵan vırtýaldy mýzeıler men tarıhı oryndardyń sanyn arttyra túspek.
