SQO oqýshylary oqýlyqsyz qalýy múmkin
PETROPAVL. QazAqparat - Soltústik Qazaqstannyń birneshe aýdanynyń jáne Petropavl qalasynyń ákimdigi oqýlyqtar satyp alýǵa qajet bıýdjet qarjysyn qarastyrmaǵan, dep habarlaıdy «QazAqparat» HAA tilshisi.
Oblystyq ákimdiktegi otyrysta Aıyrtaý jáne M.Jumabaev aýdandaryna 10 mln teńge, Ýálıhanov - 16, Shal aqyn - 7, Ǵ.Músirepov - 12, Qyzyljar - 14 jáne Petropavl qalasyna - 30 mln teńge qarjynyń qajet ekendigi anyqtaldy.
«Nege bulaı boldy? Bul jumys jaz aılarynyń ishinde júrgizilýi kerek. 1 qyrkúıekte balalardy oqýlyqsyz qaldyramyz ba?» - dedi oblys ákimi Qumar Aqsaqalov.
Bilim basqarmasynyń basshysy Gúlmıra Karımova oqýlyqqa qajetti kelisimshart buıryǵynyń áne-mine shyǵatynyn jáne 25 tamyzǵa qaraı oqýlyqtar balalardyń qoldarynda bolatynyn aıtty.
Aýdan ákimderi Q. Aqsaqalovqa sáýir-mamyr aılarynda oqýlyqqa qajet qarjyny bóletinderin aıtyp, ýáde berdi.
