SQO-nyń jas órt sóndirýshileri halyqaralyq jarystan jeńispen oraldy
TROPAVL. QazAqparat – Soltústik Qazaqstan oblysynyń jas órt sóndirýshileri І Halyqaralyq jas qutqarýshylar sletinen altyn júldemen oraldy, dep habarlaıdy QazAqparat tilshisi.
SQO Tótenshe jaǵdaılar departamenti baspasózqyzmetiniń habarlaýynsha, І Halyqaralyq jas qutqarýshylar sleti Kókshetaý qalasynda ótti. Chempıonat kýbogy úshin Reseı, Ázirbaıjan, Ózbekstan jáne respýblıkanyń 14 oblysynyń komandalary jarysty.
Jarysqa qatysýshylar 7 kezeńnen súrinbeı ótýleri kerek boldy. Olardyń ishinde «Vızıt kartochkasy», «Newspaper-Billboard», «Alǵashqy kómek kórsetý», «Órt estafetasy», «Akvatorııadaǵy qutqarý jumysy» sekildi jarystar boldy. Ystyq aýa raıy da jas qutqarýshylarǵa jaqsy nátıje kórsetýge kedergi keltirmedi.
Qatysýshylar sondaı-aq, órt qaýipsizdigi boıynsha suraqtarǵa jaýap berdi, jergilikti jerdi baǵdarlap, kartografııa jáne halyqaralyq qaýipsizdik belgileri boıynsha suraqtarǵa jaýap berdi. Balalar ózderiniń jalpy fızıkalyq daıyndyǵyn kórsetip, qolda bar zattardan zembil jasady. Alǵashqy medıtsınalyq kómek kórsetti.
Jarys qorytyndysy boıynsha chempıonattyń altynyn Qazaqstan quramasy jeńip alsa, kúmis Reseı Federatsııasy komandasyna, al qola Ózbekstannyń jas qutqarýshylaryna buıyrdy.
Al, oblystyń komandalyq esebinde 14 oblystan birinshi oryndy Soltústik Qazaqstan oblysynyń qurama komandasy, ekinshi oryndy Aqmola oblysynyń sportshylary, úshinshi oryndy elimizdiń elordasynyń komandasy ıelendi. Júldeli oryndarǵa ıe bolǵan komandalar kýboktarmen, medaldarmen jáne baǵaly syılyqtarmen marapattaldy.
