SQO-nyń Ýálıhanov aýdanynda sý tasqynynyń aldyn alý úshin jedel shtab quryldy
PETROPAVL. QazAqparat - Soltústik Qazaqstan oblysy Ýálıhanov aýdanyndaǵy eki aýylǵa tasqyn sýdan qaýip tóndi, dep habarlaıdy QazAqparat tilshisi.
SQO ákiminiń baspasóz qyzmetiniń habarlaýynsha, kesheden beri Aqmola oblysyndaǵy Sileti sý qoımasynan jyldaǵy mólsherden artyq kólemde sý jiberilip jatyr. Sonyń saldarynan Sileti ózeniniń deńgeıi kóterilip keledi. ıAǵnı sý tasýy múmkin. Ýálıhanov aýdanyndaǵy Qaratal jáne Qýlykól aýyldary sý jaıylýy múmkin aýmaqta ornalasqan.
Osyǵan baılanysty oblys ákimi Qumar Aqsaqalov Ýálıhanov aýdanynda júr. Tasqyn sýdyń aldyn alý úshin is-sharalar qolǵa alynyp, óńir basshysynyń jetekshiligimen jedel shtab quryldy.
Jergilikti bılik turǵyndardyń densaýlyǵy men ómirine jáne olardyń mal-múlkine zııan kelmeýi úshin sý tasqynyna daıyndyq jumystaryn júrgizip jatyr.
