SQO-nyń polıtsııa qyzmetkerleri bopsalaýmen aınalysqan ekinshi kýrs stýdentin qolǵa túsirdi
PETROPAVL. 12 naýryz. QazAqparat - Soltústik Qazaqstan oblysynyń ІІD uıymdasqan qylmyspen kúres basqarmasynyń qyzmetkerleri bospalaýmen aınalysqan Petropavl qalasynyń kolledjderiniń birinde oqıtyn ekinshi kýrstyń stýdentin ustady,
dep habarlandy oblystyq ІІD-niń baspasóz qyzmetinen.
Qalalyq mektepterdiń birinde 10 synypta oqıtyn oqýshynyń ákesi polıtsııaǵa shaǵym túsirgen. Onyń sózine qaraǵanda, belgisiz bireý ulynan qomaqty aqsha bopsalaıtyn kórinedi. Buzaqy bastapqyda 1500 teńge talap etip, kezdesetin jerdi belgilegen. Alaıda buzaqydan qoryqqan jasóspirim barmaǵan.
Birneshe kún ótkennen keıin bopsalaýshy oqýshyny qorqyta otyryp, kezdesýge kelmegeni úshin aqsha mólsherin arttyrǵan. Osydan keıin ǵana jábirlenýshi bolǵan oqıǵany ata-anasyna aıtyp bergen. Jasóspirim ýádelesken jerge polıtsııa qyzmetkerimen birge keldi. 10 myń teńgeni tapsyrý barysynda kúdikti ustaldy.
Ol qala kolledjderiniń birinde oqıtyn 17 jastaǵy ekinshi kýrstyń stýdenti bolyp shyqty. Qazirgi ýaqytta qylmystyq is qozǵaý máselesi sheshilýde.
Jyldyń basynan beri SQO ІІD UQKB-men bopsalaýdyń 20 oqıǵasy anyqtaldy.
