SQO-nyń polıtseıleri sý tasqynynan zardap shekken aýyl turǵyndaryna gýmanıtarlyq kómek jiberdi (FOTO)
«SQO ІІD men Petropavl qalalyq ІІB apparatynyń ofıtserler jınalysynda zardap shekken aýyl turǵyndary úshin gýmanıtarlyq kómek jınaý jóninde sheshim qabyldandy. Bul jumys jedel túrde júrgizildi. Sonyń nátıjesinde, keshe Taıynsha qalasyna SQO ІІD bastyǵynyń orynbasary, polıtsııa polkovnıgi Vıktor Býkreevtiń basqarýymen tabıǵı apattan zardap shekken aýyl turǵyndary úshin qajetti júk tıelgen «Gazel» kóligi kelip jetti. Polıtseıler qajetti zattar, azyq-túlik salynǵan jáshikter men qaptardy aýdan ákimdiginiń basshylyǵyna tapsyrdy. Aldaǵy ýaqytta oblys ortalyǵynan kelgen kómek aýyl turǵyndary arasynda taratylady», - dep túsindirdi ІІD-niń baspasóz qyzmetinen.
Eske sala keteıik, sáýir aıynyń basynda Taıynsha aýdanynda qarǵyn sýdyń tasqynynan Donetskoe, ıAsnaıa Polıana, Kellerovka, Dobrojanovka jáne taǵy basqa aýyl turǵyndarynyń úıleri men sharýashylyq qurylystary zardap shekken.
Qazirgi ýaqytta Taıynsha aýdanynyń aýmaǵynda sý tasqyny jaǵdaıy jalpy alǵanda turaqtaldy.
Eske sala ketsek, oblys polıtseıleri sý basyp qalǵan aýyl turǵyndaryna evakýatsııalaýǵa kómekke keldi.
Onyń ishinde Taıynsha AІІB jeke quramy táýlik boıy jergilikti halyqty týystaryna jáne jergilikti mektepke kóshirýge kómektesti. Balalardy, úı malyn jáne qajetti múlikterdi tasydy. TJD jáne ákimdikpen jáne jurtshylyqpen birlesip, 48 adam kóshirildi. Joldy shaıyp ketken jerlerde qaýipsizdikti qamtamasyz etý úshin táýlik boıy avtotorýyldar jumys istedi. Sý basqan joldyń shetine belgiler qoıyldy. Aýdannyń, TJD-nyń, jolshylardyń barlyq tehnıkasy sý tasqynyyna qarsy sharalarǵa tartyldy. Onyń kedergisiz ótýin jergilikti polıtsııa qyzmeti jáne ákimshilik polıtsııa qamtamasyz etken bolatyn. 
