SQO-nyń ózen-kólderinde muz jarý jumystary júrgizilip jatyr
PETROPAVL. QazAqparat – Soltústik Qazaqstan oblysynda kóktemgi sý tasqynynyń aldyn alý maqsatynda shaǵyn ózenderde jáne kólderde muz jarý jumystary júrgizilip jatyr, dep habarlaıdy QazAqparat tilshisi.
SQO tótenshe jaǵdaılar departamenti baspasóz qyzmetiniń málimetinshe, óńirde ózen-kólderde muz jarý jumystary 15 naýryz kúni bastaldy. Ýálıhanov aýdanyndaǵy Sileti ózeniniń saǵasynda mamandar jarylys jumystaryn júrgizdi.
28 naýryzda sý tasqynynyń aldyn alý maqsatynda mamandar Gýsakovka, Jaqsy-Jalǵyztaý, Imantaý eldi mekenderiniń janynda Babyq-Burlyq, Qarasý ózenderiniń arnasynda jáne Imantý kólinde jumys istedi.
«Ózen-kólderdegi muzdy jarý jumystaryna jergilikti atqarýshy organdardyń ókilderi jáne SQO TJD qyzmetkerleri qatysady. Al jarý jumystaryn Kókshetaý qalasynyń mamandandyrylǵan uıymy - «Kókshe-BÝR» JShS júrgizdi. Sý qoımalaryndaǵy muzdy jarý nátıjesinde keıin muz keptelisi bolmaıdy. ıAǵnı sý deńgeıiniń kóterilýine jol bermeıdi», - deıdi SQO TJD aldyn alý bóliminiń bastyǵy Sáken Aǵzamov.
Bul kúnderi ózen-kólderde barlyǵy 300 kg jarylǵysh zat – petrogen jaryldy. Jumystar aldyn ala kelisilgen ýaqytta kezeń-kezeńmen 7 ýchaskede júrgizildi.
Aldaǵy kúnderi Taıynsha jáne Ǵ.Músirepov aýdandarynyń ózenderinde osyndaı jarylys jumystaryn júrgizý josparlanǵan.
