SQO-nyń ońtústik aýdandarynda ózen-kólderde sý deńgeıi kóterilip keledi
PETROPAVL. QazAqparat - SQO-nyń ońtústik aýdandarynda sý deńgeıi birtindep kóterilip keledi, dep habarlaıdy QazAqparat tilshisi.
«Qazgıdromet» mamandarynyń málimetinshe, Aıyrtaý, Ǵabıt Músirepov aýdandaryn basyp ótetin Aqanburlyq ózeniniń sý deńgeıi bir táýlikte Vozvyshenko selosynyń mańynda 65 sm, Kovylnoe eldimekeniniń janynda 51 sm kóterildi. Al Esil ózeniniń sý deńgeıi Toqsan bı aýylynyń mańynda 105 sm deıin kóterilgen.
Sergeev bógetindegi sýdyń deńgeıi búgingi kúni 767 sm jetti. Sý qoımasyna 693 mln tekshe metr sý syısa, qazir ondaǵy sýdyń kólemi 655 mln tekshe metrge jetti, ıaǵnı 94,5 %-ke toldy. Al Petropavl bógetindegi sý deńgeıi - 694 sm.
«2-5 sáýir aralyǵynda SQO-nyń Aıyrtaý, Ǵabıt Músirepov aýdandarynda aýa temperatýrasy joǵarylap, jaýyn jaýady. Ózen-kólderdiń muz qabaty erip, sý qoımalaryndaǵy sý deńgeıi kúrt joǵarylamaq. Al, sáýirdiń ekisi kúni óńirde túnde qar jaýyp, keı jerlerde tuman túsedi. Túnde aýa temperatýrasy -3- +2 aralyǵynda bolsa, kúndiz 3-8 gradýs jyly, keı jerlerde synap baǵanasy +11 gradýsqa deıin kóteriledi», - deıdi sınoptık-mamandar.
