SQO-nyń oqýshylary Saýrannan orta ǵasyrlyq ydys synyqtaryn tapty
PETROPAVL. QazAqparat - Soltústikqazaqstandyq mektep oqýshylary «Týǵan jer» baǵdarlamasy aıasynda Ońtústik Qazaqstan oblysynyń tarıhı-mádenı oryndaryn aralady, dep habarlaıdy «QazAqparat» HAA tilshisi bilim basqarmasyna silteme jasap.
Sapar tanymal orta ǵasyrdaǵy Otyrar qalasynda arheologııalyq qazba jumystary aýmaǵynan bastaldy.
«Aty álemge áıgili Otyrar kitaphanasynyń qıraǵan orny oqýshylardyń erekshe qyzyǵýshylyǵyn oıatty. Balalardyń zertteýge degen qushtarlyǵy sonshalyq, olar ejelgi jáne orta ǵasyrdaǵy jazbalardyń joǵalǵan eskerkishterin izdeýge daıyn boldy», - dedi bilim berý salasyndaǵy ádistemelik jumystar men aqparattyq tehnologııalar ortalyǵynyń ádiskeri Denıs Vınogradov.
Soltústikqazaqstandyq mektep oqýshylary qazba jumystaryna qatysa aldy. Olar tanymal orta ǵasyrlyq Saýran qamal-qalasynyń ornynan orta ǵasyrǵa tıesili saz ydystyń synyqtaryn tapty.
«Bilim alýshylar gıdtiń aqparaty arqyly Saýran qalasynyń biregeı sý júıesin bile aldy. Qýatty qamal sonyń arqasynda birneshe aı boıy jaýdyń soqqysyna shydas bergen», - dep atap ótti Denıs Vınogradov.
Qoǵamda balalar «Ǵaıyr bergen» qudyǵynan sý alyp ishti. Ańyz boıynsha, bul sýdyń emdik qasıeti bar jáne ony tek júregi taza adamdar ǵana alady.
Sondaı-aq olar Túrkistandaǵy Qoja Aıahmet ıAssaýı mavzoleıine zııarat jasap, tarıhı-etnografııalyq ortalyqqa bardyq. 
