SQO-nyń Qyzyljar aýdanynda sý tasqynymen kúres jalǵasýda
ASTANA. QazAqparat - Soltústik Qazaqstan oblysynyń Qyzyljar aýdanynda sý tasqynymen kúres jalǵasýda. Bul jaıynda QR ІІM Tótenshe jaǵdaılar komıtetinen málim etti, dep habarlaıdy QazAqparat.
«Qyzyljar aýdanynyń 101 aýylynda sýǵa bóget turǵyzý jumystary júrgizilip, qajetti materıaldar daıyndaldy. Qorǵanys bógetterin nyǵaıtý jumystary atqarylyp, sý tasqyny qaýpi kúni-túni baqylaýǵa alynǵan. Sý tasqynyna qarsy sharalarǵa jumyldyrylǵan barlyq kúshtermen quraldar tolyqqandy jumys isteýde. Aýyldyń kári-jas turǵyndary bir-birimen ıyq tirestire eńbek etýde. Sý tasqyny bastalǵannan beri shamamen 1 myń adam men shamamen 6 myń bas mal qaýipsiz jerge shyǵaryldy», -delingen komıtettiń aqparatynda.
Polıtsııa qyzmetkerleri de sý basqan úılerdi bireýler tonap ketpeýi úshin kúni-túni kúzetke alǵan. Aýdannyń kásipkerleri de sý tasqyny saldaryn joıýǵa bir kisideı jumylyp, turǵyndarǵa azyq-túlik jetkizýmen qatar qajet bolǵan jaǵdaıda tehnıkalaryn da berýde.
Prıbrejnyı aýylynda sý tasqyny bastalǵannan qazirgi ýaqytta keıin orta mektepte sý tasqynyna qarsy sharalarǵa jumyldyrylǵan Tótenshe jaǵdaılar komıtetiniń barlyq qyzmetkerlerine úsh mezgil ystyq tamaq berilýde.
Qyzyljar aýdanynda tótenshe jaǵdaı rejimi 26 sáýir kúni jarııalanyp, búgingi kúnge deıin saqtalyp otyr. Zardap shekken turǵyndar ázirshe úılerine orala almaıdy. Sý basqan aımaqta shamamen 60 turǵyn úı bar.
Sý basý qaýpi bar Prıbrejnyı men Teplıchnyı aýyldarynda halyqty qorǵaýǵa baǵyttalǵan keshendi sharalar júrgizildi. Prıbrejnyı aýylynda 300 meterlik bóget kúsheıtildi. Kún saıyn shamamen 350 tekshe metr sý sorǵytylýda. Al Teplıchnyı aýylynda 600 metr bóget jóndelip, 11500 móshek qum tóseldi.
