SQO-nyń quqyq qorǵaýshylary jol apatynan zardap shekken áıelge qan tapsyrdy
PETROPAVL. QazAqparat - Soltústik Qazaqstan oblysy boıynsha qylmystyq atqarý júıesi departamentiniń 30-dan astam qyzmetkeri jol apatynan zardap shekken 25 jastaǵy áıelge qan tapsyrdy, dep habarlady «QazAqparat» HAA vedomstvonyń baspasóz qyzmetine silteme jasap.
«Madına Shegerbaevaǵa shuǵyl túrde qan qajet» degen aqparat áleýmettik jelide tarady. Jas áıel kishkentaı qyzymen jantúrshigerlik jol apatyna túsken. Bala oqıǵa ornynda kóz jumdy, áıel Aqmola oblystyq aýrýhanasynyń jansaqtaý bóliminde jatyr.
Ásııa Bolatova oblystyq QAJD-de ınspektor-polıgrafolog bolyp jumys isteıdi. Alǵash ret donor boldy. Onymen birge qan tapsyrýǵa 20 áriptesi men oblystyq prokýratýradan 10 maman bardy. Barlyǵy 15 lıtrden astam qan tapsyryldy.
