SQO-nyń Gorodetskoe aýylynda astanalyq qutqarýshylar 400 metr sý arnasyn tazartty (FOTO)
PETROPAVL. QazAqparat - SQO-nyń Shal aqyn aýdany Gorodetskoe aýylynda astanalyq qutqarýshylar 400 metr sý arnasyn tazalap, bógetterge qum salynǵan 200 qapshyq qoıdy. Bul týraly aımaqtyń TJD baspasóz qyzmetinen habarlady.
«Óńirde QR ІІM TJK qurylymdarynyń, Astana qalasynyń «Órt sóndirý qyzmeti jáne apattyq-qutqarý jumystary» MM-nyń qutqarýshylary jumys isteýde. Olar Jańajol aýylyndaǵy sý arnalaryn tazalady. Endi olar sý basý qaýpi bar Gorodetskoe aýylynda jumys isteýde», - delingen habarlamada.
Jumystar táýlik boıy júrgizilýde. Qutqarýshylar jańa qazylǵan sý aǵyzý aryqtaryn sýly qardan tazartyp, olardyń jaǵalaýyn qumy bar qaptar arqyly nyǵaıtyp jatyr, sý basqan jerlerdi baqylap júr.
Top basshysy Nurlan Bıkenovtyń aıtýynsha, aýa raıy qolaısyzdyǵyna qaramastan, astanalyqtar jaqsy jumys atqaryp jatyr.
Qutqarý jumystaryna jergilikti atqarýshy organdar men AІІB qyzmetkerleri de kómekterin kórsetip jatyr.
