SQO-nyń Esil ózeninde balyq qyryldy

PETROPAVL. QazAqparat – Soltústik Qazaqstan oblysy Sergeev sý torabynyń tómengi bóliginde ornalasqan Esil ózeninde balyq qyryldy, dep habarlaıdy QazAqparat tilshisi.

SQO Ekologııa departamentiniń málimetinshe, oqıǵa ornyna ekologtar, Esil basseındik balyq sharýashylyǵy ınspektsııasy, Tabıǵı resýrstar jáne tabıǵat paıdalanýdy retteý basqarmasy, Shal aqyn aýdanynyń veterınarııa qyzmeti, «Balyq sharýashylyǵynyń ǵylymı-óndiristik ortalyǵy» JShS qyzmetkerlerinen turatyn jumys toby bardy.

Esil ózeniniń jaǵalaýy tekserilip, komıssııa balyqtyń nálim men kókserke túriniń shamamen 30-40 kelisi qyrylǵanyn anyqtady.

Ekologııa departamentiniń qyzmetkerleri sý synamalaryn, al veterınarııa qyzmetiniń mamandary zerthanalyq zertteýler júrgizý úshin balyqtardyń óleksesin aldy.

Jergilikti atqarýshy organdar sanıtarlyq normalardy saqtaı otyryp, qyrylǵan balyqty jınap alyp, joıdy.

Zertteý nátıjelerinen keıin qosymsha aqparat beriletini habarlandy.

Tamyz aıynyń basynda SQO Jambyl aýdanyndaǵy Pıtnoe kólinde balyq qyrylǵanyn aıtqan edik. Mamandardyń esebi boıynsha tsentnerge jýyq móńke men alabuǵa balyǵy ólgen. Sý jándikteriniń neden qyrylǵanyn anyqtaý úshin kól sýynyń synamasy, sondaı-aq ólgen balyqtyń ushasy laboratorııalyq saraptamalar júrgizý úshin alyndy.

Aldyn ala boljam boıynsha, kúnniń ystyǵynan kól sýy tartylyp ketken. Sýdyń qatty jylýynan sý ósimdikteri shirip, ýly gaz bólýi múmkin. Ázirge zertteý qorytyndysy kelgen joq.