SQO-nyń eki polıtseıi «Erligi úshin» medalimen marapattaldy
SQO Polıtsııa departamenti baspasóz qyzmetiniń málimetinshe, soltústikqazaqstandyq eki polıtseıge «Erligi úshin» medaldaryn QR Іshki ister mınıstri Marat Ahmetjanov saltanatty túrde tabys etti.
Petropavl qalalyq polıtsııa basqarmasynyń kezekshi-ınspektory Meıirman Tólebaev bir jyl buryn eki adamdy sýdan alyp shyqqan. Ótken jyldyń mamyr aıynda bir boıjetken Esil ózenine qulap ketken. Ony kórgen adamdardyń biri qutqarmaqshy bolyp, ózi de sýǵa kete jazdaǵan. Sol mańda júrgen Meıirman jáne taǵy bir áıel kómekke umtylyp, muzdaı sýǵa túsedi. Polıtseı qyzdy jaǵaǵa shyǵaryp, er adamǵa alǵashqy medıtsınalyq kómek kórsetken. Polıtsııa leıtenantynyń áriptesteri bul oqıǵa jaıynda keıin kelip túsken alǵys hattardan bilgen.
Al Aıyrtaý aýdany polıtsııa bólimi kóshi-qon qyzmetiniń qyzmetkeri Rústem Kárim kórshisin jalynnan aman alyp qaldy. Órt eki páterli úıde qańtar aıynda bolǵan. Polıtseı úıden otbasyn shyǵaryp, qabyrǵanyń arǵy jaǵynda turatyn kórshi zeınetkerge shyǵýǵa kómektesken.
Meıirman Tólebaev medalmen marapattalǵan kezde tolqyǵanyn jáne óziniń áreketin erlik dep sanamaıtynyn atap ótti. Sózine qaraǵanda, polıtseı qıyn jaǵdaıǵa tap bolǵan adamnyń qasynan ótip kete almaıdy. Rústem Kárim de osy pikirde.
«Meniń ornymda kez kelgen adam osylaı ister edi. Qazaqstandyq polıtsııanyń mereıli jylynda osyndaı joǵary marapatqa ıe bolǵanymdy maqtan tutamyn, bul kúndi eshqashan umytpaımyn», - deıdi Rústem Kárim.
