SQO-nyń birneshe aýdanynda joldar jabyldy
PETROPAVL. QazAqparat – Soltúschtik Qazaqstan oblysynyń birneshe aýdanynda boranǵa baılanysty joldar jabyldy, dep habarlaıdy QazAqparat tilshisi.
SQO tótenshe jaǵdaılar departamentiniń habarlaýynsha, búgin saǵat 11.00-den bastap Aıyrtaý, Esil, Maǵjan Jumabaev, Mamlıýt, Tımırıazev jáne Ǵ.Músirepov atyndaǵy aýdandarda oblystyq mańyzy bar joldar jabyldy. Óńirde aýa raıy buzylyp, boran bastaldy.
112 qyzmeti erteń 4 naýryzǵa bolanǵa baılanysty eskertý jarııalap, habarlama jiberdi. Mamandardyń aıtýynsha, jeldiń ekpini sekýndyna 25 metrge deıin jetpek. Sondaı-aq qalyń tuman túsip, kóktaıǵaq bolmaq.
