SQO-nyń bas polıtseıine shaǵymdanǵan turǵyn bir jyldan keıin aqshasyn qaıtara aldy
PETROPAVL. QazAqparat – Petropavl turǵyny Soltústik Qazaqstan oblysy bas polıtseıiniń onlaın qabyldaýynda bolyp, nátıjesinde alaıaqtan bir jyl ala almaı júrgen aqshasyn qaıtardy, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, 47 jastaǵy Petropavl turǵyny azamattardy biryńǵaı qabyldaý kúni aıasynda Polıtsııa departamenti bastyǵy Marat Tólebaevqa júgingen .
Nátıjesinde eki aptadan keıin bir jyl boıy qaıtara almaı júrgen aqshasy qolyna tıdi.
Andreı Kýltyshev avtokólik aıdap ákelip beremin dep ýáde etken Almaty oblysynyń turǵynyna 300 myń teńgesin aýdarǵan. Aıa,ynda ne kólik ne aqsha joq bolyp shyǵady.
Alaıaqtyq faktisi boıynsha sotqa deıingi tergeý bastalyp, Marat Tólebaev qoldanystaǵy zańnama aıasynda tolyq áreket jasaýǵa tapsyrma berdi. Qosymsha sharalar barysynda kúdikti anyqtaldy. Másele zańdy túrde sheshilip, Petropavl turǵynynyń aqshasyn tolyǵymen qaıtaryp aldy.
Vedomstvo basshysynyń aıtýynsha, jeke qabyldaý men basqa da ashyq alańdardyń tıimdiligi joǵary. Óńirdiń bas polıtseıi jyl basynan 120-dan astam adamdy jeke ótinishimen qabyldaǵan. Sondaı-aq, suraqtar Facebook paraqshasyndaǵy jeke akkaýnt arqyly da túsken.
Sońǵy kezde karantın shekteýlerine baılanysty kezdesýler onlaın rejıminde ótip jatyr. Bul joly eseptik kezdesý barysynda Soltústik Qazaqstan polıtsııasynyń birinshi basshysyna 20-dan astam adam júgindi.
«Osy kezdesý barysynda jaýap alyp úlgermeseńiz suraqtar nazardan tys qalmaıdy, men olardy jeke baqylaýyma alamyn», - dedi Marat Tólebaev onlaın-esep berý kezinde.
Aıta ketý kerek, áleýmettik jeli qoldanýshylary dıalogtyń mundaı formatyn joǵary baǵalady. Efır barysynda jeli qoldanýshylarynyń biri máselesiniń oń sheshilgenine rızashylyǵyn bildirdi.
«Mundaı formattaǵy qarym-qatynas biz úshin óte tıimdi», - dep jazdy Murat Esil.
