SQO-nyń áleýmettik-ekonomıkalyq damýynyń keshendi jospary qandaı nátıje beredi
«Dıplommen aýylǵa!» jobasy aıasynda aýyldyq eldi mekenderge jyl saıyn 300-ge jýyq áleýmettik sala mamandary tartylatyn bolady. Óńir tarıhyn tanymal etý úshin arheologııalyq eskertkishter men tarıhı-mádenı mańyzy bar nysandardy keshendi zertteý josparlanyp otyr», - dedi mınıstr.
Onyń aıtýynsha, keshendi jospardy iske asyrý 2025 jylǵa qaraı 26 myń jańa jumys orynyn qurýdy, shamamen 1,3 trln teńge jeke ınvestıtsııany tartýdy qamtamasyz etedi, óńdeý ónerkásibi 25%-ǵa jáne aýyl sharýashylyǵy óniminiń kólemi 54%-ǵa ósedi.
«Halyqtyń naqty tabysy men eńbek ónimdiligi 30 paıyzǵa artady. Nysanaly kórsetkishterge qol jetkizý nátıjesinde jalpy óńirlik ónimniń naqty ósýi 2025 jyly 5,2 paıyzǵa deıin artady. Jalpy, keshendi jospardy iske asyrý óńir ekonomıkasynyń ósý qarqynyn damytýǵa jáne halyqtyń ómir súrý sapasy men ál-aýqatyn arttyrýdy qamtamasyz etýge múmkindik beredi», - dedi Á. Erǵalıev.
Budan buryn habarlanǵandaı, búgin Úkimet otyrysynda QR Ulttyq ekonomıka mınıstri Áset Erǵalıev Soltústik Qazaqstan oblysynyń 2021-2025 jyldarǵa arnalǵan áleýmettik-ekonomıkalyq damýynyń keshendi josparyn tanystyrdy. Ony iske asyrýdyń jalpy somasy 1,8 trln teńge. Osy oraıda Soltústik Qazaqstan oblysynda 2,3 mln sharshy metr nemese 21,7 myń páter salynatyny belgili boldy. Qoıma jáne saýda alańdarymen qamtamasyz etý úshin «Qyzyljar» saýda-logıstıkalyq haby qurylady.
