SQO-nyń 9,5 myń shaqyrym jol ınfroqurylymy tekserilip, tıisti uıymdarǵa 999 uıǵarym joldandy
PETROPAVL. QazAqparat – Soltústik Qazaqstan oblysynda avtojoldardaǵy jol apattary jıi tirkeletin qaýipti ótkelderge jańa baǵdarshamdar ornatyldy, dep habarlaıdy QazAqparat tilshisi.
SQO PD baspasóz qyzmetiniń málimetinshe, ákimshilik polıtsııa basqarmasynyń jol jáne tehnıkalyq ınspektsııasy bóliminiń qyzmetkerleri 11 aıda óńir avtojoldaryna 1661 tekseris júrgizdi. 9,5 myń shaqyrymǵa sozylatyn jol ınfroqurylymy tekserildi. Nátıjesinde 2 myńnan astam kemshilik anyqtalyp, olardy retke keltirý boıynsha tıisti uıymdarǵa 999 uıǵarym joldandy. Anyqtalǵan olqylyqtardyń basym bóligi jol jabyndysynyń jaǵdaıyna baılanysty. Sondaı-aq, jergilikti atqarýshy organdarǵa jol ınfroqurylymyn damytý úshin 294 aqparat jiberildi.
Bul jumys nátıje berip, oqý oryndarynyń mańyna jasandy budyr joldar, belgiler salyndy. Mysalǵa, respýblıkalyq tas joldarda 1120 belgi, oblystyq mańyzy bar joldarda – 177, Petropavl kóshelerinde – 328 belgi ornatyldy jáne jańartyldy. Oblys ortalyǵynda magıstraldi kóshelerde jerasty kommýnıkatsııalarynyń 98 qudyǵyna jóndeý júrgizildi.
«Budan bólek, respýblıkalyq mańyzy bar A-16 «Jezqazǵan-Petropavl» avtojolynyń 950 km jáne Petropavl qalasyndaǵy aınalma joldyń 10 km qaýipti jaıaý júrginshiler ótkeline baǵdarsham ornatyldy. Oblys ortalyǵyndaǵy M.Jumabaev kóshesinde jańǵyrtý jumystary aıaqtalysymen jańadan 4 baǵdarsham ornatylmaq», - deıdi SQO PD Ákimshilik polıtsııa basqarmasynyń bastyǵy Serik Áljanov.
