SQO-nyń 38 aýylynda turǵyndar sany 10 adamnan aspaıdy
PETROPAVL. QazAqparat - Soltústik Qazaqstan oblysynda turǵyndarynyń sany 10 adamnan aspaıtyn 38 aýyl bar, dep habarlaıdy «QazAqparat» HAA tilshisi.
Ekonomıka basqarmasynyń aýylsharýashylyq aýmaqtardy damytý bóliminiń basshysy Janar Ahmıeva ótken jyly 4 aýyldyń jabylǵanyn málim etti. Úsheýinde turǵyndary bolmasa, taǵy bireýinde nebári 4 adam turǵan. Olar óz nıetimen basqa aýylǵa kóship ketti.
«Jergilikti aýmaqtardy damytý boıynsha memlekettik saıasatty iske asyrý maqsatynda oblys pen aýdannyń jergilikti atqarýshy organdary aýyldyq eldi mekenderdi áleýmettik-ekonomıkalyq damytý monıtorıngi júrgizilip, aýyldardy damytý áleýeti anyqtalyp jatyr. 2017 jyldyń qorytyndylary boıynsha oblysta 664 aýyl anyqtalǵan. Sonyń ishinde 160-nyń áleýeti joǵary, 482-niń ortasha jáne 22-siniń - turmysy tómen. Jyl basynda turǵyndar sany 50 adamnan aspaıtyn 103 aýyl anyqtaldy. Sonyń ishinde turǵyndar sany 10 adamnan aspaıtyn 38 aýyl bar», - dep aqparattandyrdy J.Ahmıeva.
Bul 38 aýylda nebári 153 adam turyp jatyr, sonyń úshten bir bóligi - zeınetkerler men balalar. Munda mektep, áleýmettik ınfraqurylym, sharýashylyq joq. Mysaly, Esil aýdanynyń Kalınovka aýylynda sý joq, mektep joq. Turǵyndar sany - 10 adam, sonyń ishinde ekeýi - zeınetker. Qyzyljar aýdanynyń ıAntsen aýylynda nebári bir adam turyp jatyr.
«Qoǵamdyq keńes tyńdaýlarynda 15 aýyl qaraldy. Qujattardy ádilet basqarmasy tekserýde. Odan keıin olar talqylaý úshin oblystyq máslıhatqa jiberiledi. Eger turǵyndar kóshkisi kelmese, aýylda eshqandaı sharalar ótkizilmeıdi», - dep atap ótti J.Ahmıeva.
