SQO: Nur Otan partııasynyń qyzmetkerleri bir kúndik eńbekaqysyn muqtaj jandarǵa kómekke aýdarady
PETROPAVL. QazAqparat – Soltústik Qazaqstan oblysynda «Nur Otan» partııasy óńirlik fılıaly «Biz Birgemiz! Nur Otan» respýblıkalyq aktsııasyna qoldaý bildirdi, dep habarlaıdy QazAqparat tilshisi.
«Nur Otan» partııasy SQOF baspasóz qyzmetiniń málimetinshe, «Biz Birgemiz! Nur Otan» respýblıkalyq aktsııasy aıasynda jalǵyzilikti qarttar men turmysy tómen otbasylardyń, múgedekterdiń úılerine baryp, muqtaj jandardy antıseptıkalyq quraldarmen, medıtsınalyq maskalarmen jáne azyq-túlik paketterimen qamtamasyz etýge baǵyttalǵan.
Qaıyrymdylyq is-sharasy «Kedergisiz keleshek», «Baqytty otbasy» jáne «Ardagerlerdi ardaqtaıyq» partııalyq jobalary boıynsha júzege asyrylmaq.
«Jas Otan» jastar qanatynyń belsendileri men volonterleri biz daıyndaǵan paketterdi kóp balaly, az qamtylǵan otbasylardyń, múgedekterdiń, jalǵyzilikti zeınetkerlerge taratady. Azyq-túlik salynǵan paketterden basqa antıseptıkalyq, gıgıenalyq quraldarmen qamtamasyz etemiz. Sondaı-aq olar koronavırýstyń aldyn alý jáne kúresý tásilderi týraly túsindiredi», - dedi «Nur Otan» partııasy SQOF tóraǵasynyń birinshi orynbasary Ásem Rahmetova.
«Nur Otan» partııasy karantın jarııalanǵan Nur-Sultan jáne Almaty qalalaryndaǵy, sońdaı-aq elimizdiń barlyq óńirlerindegi jalǵyzbasty qarttarǵa, múgedekter men turmysy tómen kópbalaly otbasylarǵa ataýly kómek kórsetý úshin 150 mln teńge bóldi. Partııanyń Soltústik Qazaqstan oblystyq jáne aýmaqtyq fılıaldarynyń qyzmetkerleri osyndaı qajettilikterge ózderiniń bir kúndik eńbekaqysyn aýdarý týraly sheshim qabyldady.
Sonymen qatar, nurotandyqtar aktsııaǵa qatysýǵa kásipkerler men bıznes ókilderin shaqyryp otyr. Jalpy, Petropavlda barlyǵy 380 otbasy azyq-túlik paketterimen qamtamasyz etiledi. Sondaı-aq, bul jumystar mereke kúnderi oblys aýdandarynda da jalǵaspaq.
