SQO-nyń turaqtandyrý qorynda 1,2 myń tonna arzan kartop bar

PETROPAVL. KAZINFORM – Soltústik Qazaqstan oblysynyń turaqtandyrý qoryn azyq-túlikpen qamtýǵa bıyl 2,5 mlrd teńge bólindi.

«Soltústik» áleýmettik kásipkerlik korporatsııasy» AQ baspasóz qyzmetiniń málimetinshe, turaqtandyrý qoryna áleýmettik mańyzy bar 19 túrli azyq-túlik taýarynyń 14-i satyp alynady. Onyń ishinde kartop ta bar.

- Bıyl turaqtandyrý qoryna azyq-túlik satyp alýǵa oblystyq bıýdjetten 2,5 mlrd teńge qarjy bólindi. Kókónis qoımasynda 1,2 myń tonna kartop jatyr. Bir kg-y – 97 teńge. Ónim jergilikti taýar óndirýshilerden qaryz, forvardtyq satyp alý jáne jetkizý sharttary arqyly satyp alynady. Kókónis «Soltústik» ÁKK» AQ, taýar óndirýshilerdiń jáne «Radýga» JShS qoımalarynda saqtalǵan, - deıdi «Soltústik» ÁKK» AQ basqarma tóraǵasynyń orynbasary Ǵamalı Jumashov.

Arzan ónim turaqtandyrý qorynyń saýda oryndaryna kún saıyn, sýpermarketterge – aptasyna úsh ret, al aptasyna eki ret – úı astyndaǵy dúkenderge jetkiziledi. Turaqtandyrý qorymen aýyldyq dúkender de jumys isteı alady. Ol úshin ótinimdi aýdandardaǵy kásipkerlik bólimderine de berýge bolady.

Premer-mınıstrdiń tapsyrmasy boıynsha Aýyl sharýashylyǵy, Saýda jáne ıntegratsııa mınıstrlikteri eldegi kartop naryǵyndaǵy qalyptasqan ahýalǵa turaqty túrde baqylaý júrgizip jatyr.