SQO-nyń ekojúıesin saqtaý úshin Esil arqyly 4 mlrd tekshe metrden astam sý jiberildi
ASTANA. KAZINFORM — Tabıǵatty qorǵaý maqsatynda Sý resýrstary jáne ırrıgatsııa mınıstrligi Esil ózenine Soltústik Qazaqstan oblysyndaǵy Sergeev sý qoımasynan 4 mlrd tekshe metrden astam sý jiberdi.
Jyl saıyn júrgiziletin sanıtarlyq jáne tabıǵatty qorǵaý maqsatyndaǵy sý jiberýler Esil ózeniniń ańǵaryndaǵy flora men faýnanyń tirshilik ortasyn jáne bıologııalyq alýan túrlilikti saqtaýǵa baǵyttalǵan. Sonymen qatar bul sý aǵyzýlar ózen arnasyn tazartýǵa da kómektesedi.
— Búginde Esildiń orta aǵysynda balyqtardyń tabıǵı ýyldyryq shashatyn jerleri sýǵa tolyp tur. Tabıǵatty qorǵaý maqsatyndaǵy sý jiberýler — ekologııany saqtaýǵa, óńirdegi aýyl sharýashylyǵy men mal sharýashylyǵynyń damýyna kómektesedi. Al bul óz kezeginde jergilikti halyqtyń turmysyn jaqsartýǵa oń áser etedi, — dedi Esil basseındik ınspektsııasynyń basshysy Ǵalıdolla Azıdýllın.
Aıta ketelik Qazaqstan men Ózbekstan sý resýrstaryn ǵaryshtan baqylaý boıynsha birlesken joba ázirleýi yqtımal.