SQO-nyń bes aýdanynda iri qara maldan brýtsellez anyqtaldy

PETROPAVL. KAZINFORM – Soltústik Qazaqstan oblysynda respýblıkalyq epızootııalyq komıssııa jumys istep jatyr. Óńirdegi Lenınskoe eldi mekeninde byltyrdan beri brýtsellez aýrýy tyıylmaı tur.

SQO veterınarııa basqarmasy baspasóz qyzmetiniń málimetinshe, Aıyrtaý aýdanyndaǵy Shalqar eldi mekeninde «ıÝlııa» sharýa qojalyǵynda jáne Tımırıazev aýdany Dokýchaevo eldi mekenindegi «Atameken-Agro Tımırıazevo» JShS-de bir-bir maldan brýtsellez anyqtalǵan. Taǵy bes aýrý iri qara mal Qyzyljar aýdany Ploskoe eldi mekenindegi eki turǵynnyń qorasynan tabyldy. Aqqaıyń aýdany Lenınskoe eldi mekeninde de bir maldan brýtsellez anyqtaldy.

«Sońǵysy 25 naýryz kúni Aqjar aýdany Talshyq eldi mekeninde anyqtaldy. Aýrýdy juqtyrǵan iri qaranyń barlyǵynyń kózi joıyldy. Endi ár 15-20 kún saıyn aýrý mal anyqtalǵan sharýashylyqtardan nemese qoradaǵy maldan brýtsellezge PTsR alynyp, tekseriledi. Taldaý nátıjesi eki márte teris kelgen jaǵdaıda shekteý sharalary qoldanylmaıdy», - deıdi vedomstvonyń baspasóz hatshysy Amanjol Nurtazın. 

Shekteý sharalary engizilgen jaǵdaıda eldi mekennen maldy, mal ónimderin shyǵarýǵa tyıym salynady.

«Bul aýdandardyń ishinde qazir tek Aqqaıyń aýdany Lenınskoe eldi mekeninde ǵana shekteý sharalary bar. Bul eldi mekende aýrý mal alǵash ret byltyr 4 shilde kúni anyqtalǵan. Sodan beri shekteý alynǵan joq, óıtkeni, PTsR qaıta-qaıta aýrýdyń barlyǵyn kórsetip jatyr. Qazir bul jerde respýblıkalyq epızootııalyq komıssııa jumys istep jatyr», - deıdi Amanjol Nurtazın. 

Basqarmanyń málimetinshe, byltyr 272 iri qara maldan jáne 2 qoı-eshkiden brýtsellez tabylyp, aýrý maldyń kózi joıyldy.