SQO-nyń alty aýdanynda qoqys tarıfi negizsiz kóterilgen

PETROPAVL. KAZINFORM – Soltústik Qazaqstan oblysynda prokýratýra kommýnaldyq qaldyqtarǵa qatysty ekologııalyq zańnamany saqtaý máselesi boıynsha alqa otyrysyn ótkizdi. 

SQO prokýratýrasynyń málimetinshe, júrgizilgen taldaý nátıjesinde qaldyqtardy joıýǵa, ornalastyrýǵa qatysty jáne kommýnaldyq tólem boıynsha zańnama talaptarynyń óreskel buzylǵany anyqtaldy. Prokýrorlardyń aralasýynan keıin 11 aýdanda turǵyndar úshin qaldyqtardy jınaýǵa, tasymaldaýǵa, suryptaýǵa jáne kómýge tarıfter belgilendi.

Oblystyń taǵy 6 aýdanda negizsiz kóterilgen tarıfterdi tómendetý boıynsha jumys atqarylyp jatyr. Ekologııalyq zańnama talaptaryn saqtamaǵany úshin 95 tulǵa ártúrli jaýapkershilikke tartyldy, onyń ishinde 3 aýdan ákimi de bar.

Otyrys qorytyndysy boıynsha jergilikti atqarýshy jáne ýákiletti organdarǵa naqty tapsyrmalar berildi. 

Buǵan deıin SQO-da 300-den astam kásipkerdiń quqyǵy qorǵalyp, 1,1 mlrd teńge qaıtarylǵanyn jazǵan edik.