SQO mýzeıleri «Jad ózeni sarqylmas» taqyrybynda telekópirge qatysady
NUR-SULTAN. QazAqparat – 31 mamyr - Saıası qýǵyn-súrgin qurbandaryn eske alý kúni. Osyǵan oraı «Bozoq» memlekettik tarıhı-mádenı mýzeı-qoryǵy» RMQK óńirlik mýzeıler arasynda «Jad ózeni sarqylmas» taqyrybynda telekópir ótkizýdi josparlaǵan, dep habarlaıdy QazAqparat tilshisi.
QR Mádenıet jáne sport mınıstrliginiń «Bozoq» memlekettik tarıhı-mádenı mýzeı-qoryǵy» RMQK kishi ǵylymı qyzmetkeri Gúlzat Býkeshevanyń aıtýynsha, «Jad ózeni sarqylmas» jobasy kópshilikke tanymal. Óıtkeni saıası qýǵyn-súrgin kezeńi ár qazaqstandyq otbasyna áser etti.
28 mamyrǵa josparlanǵan telekópir onlaın rejımde QR Ulttyq mýzeıimen birlesip, Saıası qýǵyn-súrgin qurbandaryn eske alý kúni qarsańynda óńirlik mýzeıler arasynda ótedi.
«Bul bizdiń tarıhtaǵy eskerýsiz qalmaıtyn qaıǵyly kún. Qazaqstandaǵy stalındik repressııanyń sharyqtaý shegi 1937-1938 jyldarǵa keldi. Keńes kezeńinde 40 mln-ǵa jýyq adam ár túrli dárejede qýǵyn-súrginge ushyrady.
Revolıýtsııaǵa deıin qazaqtar arasynan shyqqan bilimdi adamdar birneshe myńdy ǵana qurady, olardyń kópshiligi Alash qozǵalysyna múshe boldy. Saıası qýǵyn-súrgin saldarynan Alash Ordanyń eń belsendi qaıratkerleri «halyq jaýy» sanalyp, atylyp ketti. Mıllıondaǵan jazyqsyz adamdarmen kúres GÝLAG kontslagerleriniń (Karlag - Qaraǵandy lageri, Steplag - dala lageri, ALJIR - Otanǵa opasyzdyq jasaǵandardyń áıelderiniń Aqmola lageri) jelisin qurýǵa yqpal etti», - deıdi Gúlzat Býkesheva.
«Jad ózeni sarqylmas» telekópirine onlaın formatta barlyq óńirdiń mádenıet basqarmalarynyń ókilderi, mýzeı qyzmetkerleri, jastar uıymdarynyń kóshbasshylary, óńirlik BAQ ókilderi, sondaı-aq 1937-1945 jyldary týystary men jaqyndary qýǵyn-súrginge ushyraǵan qazaqstandyqtar qatysady.
