SQO muraǵatshylary Maǵjan Jumabaevtyń biregeı qoljazbasyn Ankaraǵa apardy
PETROPAVL. QazAqparat - Soltústik Qazaqstan oblysynyń delegatsııasy Túrkııadaǵy Maǵjan Jumabaevtyń 125 jyldyǵyna arnalǵan merekelik sharalarǵa qatysyp jatyr, dep habarlaıdy QazAqparat tilshisi.
Óńirlik kommýnıkatsııalar qyzmetiniń aqparatyna súıensek, aqynnyń 125 jyldyǵyn toılaý túrki áleminiń mádenı astanasy - Kastamonýda bastaldy. Qonaqtardy qala gýbernatory qarsy aldy. Soltústikqazaqstandyqtar ony oblys ákimi Qumar Aqsaqalovtyń atynan aqynnyń týǵan jerinde, Maǵjan Jumabaev aýdanynyń Sarytomar aýylynda ótetin 125 jyldyq mereıtoıyna shaqyrdy.
Ankarada aqıyq aqynnyń mereıtoıyna arnalǵan halyqaralyq sımpozıým ótti.
«Men munda aqyn Maǵjannyń 1923 jyly Tashkentte jaryq kórgen óleńder jınaǵyn ákeldim. Aqynnyń jeke buıymdary, Quran jáne qoldan toqylǵan kilem de bar. Kórmede Jumabaevtar otbasy tutynǵan ydys-aıaqtardy kórýge bolady», - deıdi Maǵjan Jumabaev atyndaǵy mýzeı dırektory Aıgúl Júnisbaeva.
Ǵylymı-praktıkalyq konferentsııada aqyn ómiri jaıly buryn qupııa saqtalǵan faktiler aıtyldy.
«Biz Maǵjan Jumabaevtyń 1927 jyly jazylǵan qoljazbasyn taptyq. Aqyn óziniń týǵan kúnin 1893 jylǵy 7 qarasha dep kórsetken. Osynaý asa qundy dúnıeni Ankaraǵa jurt kórsin dep ákeldik», - dedi Soltústik Qazaqstan oblystyq arhıviniń dırektory Sáýle Málikova.
Túrkııada mektep, kóshe jáne saıabaq aqyn esimimen atalady.
«1915 jyly Chanaqqala túbindegi shaıqas túrik ultynyń oıanýyna túrtki boldy. Dál sol oqıǵaǵa Maǵjan Jumabaev «Alystaǵy baýyryma» atty óleńin arnaǵan. Ol tek óleń jazýmen ǵana shektelmeı, aýqatty jandardan qarjy jınap, týysqan halyqqa kómektesti. Túrikterdiń aqyn Maǵjandy súıýiniń mánisi mine, osynda», - deıdi TÚRKSOI bas hatshysynyń keńesshisi Asqar Qurmanbaev.
Aqynnyń 125 jyldyǵyna oraı jıyrma alty óleńi túrik tilinde jaryq kórip, jınaq retinde oqyrman qaýymǵa usynyldy, kitaptyń tusaýkeseri Kastamoný qalasynda ótti.
