SQO men Qytaıdyń joǵary oqý orny bıdaı men kartoptyń jańa suryptaryn zerttep jatyr
PETROPAVL. QazAqparat – Petropavlda Qytaıdyń ıAnlıng qalasynyń Soltústik-Batys aýyl jáne orman sharýashylyǵy ýnıversıteti delegatsııasynyń qatysýymen halyqaralyq ǵylymı-praktıkalyq semınar ótti, dep habarlaıdy QazAqparat tilshisi.
Semınardyń maqsaty - M.Qozybaev atyndaǵy Soltústik Qazaqstan memlekettik ýnıversıteti Agrotehnoparkiniń ǵylymı jumysy men birlesken zertteýlerdiń nátıjelerin talqylaý, tájirıbe almasý.
Halyqaralyq semınarǵa Soltústik-Batys aýyl jáne orman sharýashylyǵy ýnıversıtetiniń professorlary Zhang Zhengmao, Hu Yingang, Guo Dongwei, jergilikti joǵary oqý ornynyń «Agronomııa jáne orman sharýashylyǵy» kafedrasynyń qyzmetkerleri men stýdentteri, otandyq jáne sheteldik selektsııanyń dala daqyldaryn ekologııalyq sorttyq synaýǵa qatysatyn Nazarbaev Zııatkerlik mektebiniń jáne Petropavl qalasynyń Oqýshylar saraıynyń ókilderi qatysty.
Byltyr qyrkúıek aıynda M.Qozybaev atyndaǵy SQMÝ-diń bazasynda Agrotehnopark ashyldy. Aýmaǵy 5 ga jerge qytaılyq, sheteldik jáne otandyq selektsııanyń aýylsharýashylyǵy daqyldary egilip, ekinshi jyl qatarynan synalyp jatyr.
«Agrotehnopark eki oqý orny arasyndaǵy kelisim aıasynda ashyldy. Bizdiń óńirde ósirýge bolatyn bolashaǵy bar suryptardy bólip almaqshymyz. Keleshekte ony selektsııalyq materıal retinde qoldanyp, ónimdiligi joǵary, aýrýǵa tótep beretin bıdaı, kartop suryptaryn shyǵaramyz. Ázirshe nátıje týraly aıtý erterek. Aýa-raıy – bári eskerilýi qajet. Sol sebepti bir jyldyq ósimdikke kemi 3 jyl, kóp jyldyqqa 5 jyl kerek», - deıdi Agrotehnologııalyq fakýltettiń dekany Altyn Shaıahmetova.
Ýnıversıtet ókilderiniń aıtýynsha, Qytaıdyń joǵary oqý ornymen Agrotehnoparkti birlesip qurýdaǵy maqsat - ǵylymı zertteýler nátıjesinde aýyl sharýashylyǵy salasynda básekege qabiletti mamandardy daıarlaý, halyqaralyq ozyq tájirıbeni ilgeriletý, birlesken bilim berý baǵdarlamalary men ǵylymı jobalardy ázirleý jáne iske asyrý, bilim berý sapasynyń joǵary standarttaryna qol jetkizý.
Qytaıdyń ıAnlıng qalasynyń Soltústik-Batys orman jáne aýyl sharýashylyǵy ýnıversıtetimen eki jaqty yntymaqtastyq týraly kelisim aıasynda ýnıversıtettiń 6 stýdenti Qytaıda bir semestr bilim aldy. Akademııalyq utqyrlyq boıynsha qyrkúıek aıynda taǵy bir top shetelge attanbaq. Sonymen qatar, 6 oqytýshy aspan asty elinde taǵylymdamadan ótti.
