SQO men Kókshetaýda oqýshylar aıazǵa baılanysty qashyqtan oqýǵa kóshirildi

Aýa raıynyń kúrt sýytýyna baılanysty birinshi aýysymdaǵy oqýshylar onlaın formatqa aýystyryldy.

2026 jylǵy 26 aqpanda Soltústik Qazaqstan oblysynda aýa temperatýrasy -32 gradýsqa deıin tómendedi. Osyǵan baılanysty birinshi aýysymdaǵy 0–11 (12) synyp oqýshylary qashyqtan oqytý formatyna kóshirildi.

Kókshetaý qalasynda jáne Aqmola oblysynyń birqatar aýdandarynda birinshi aýysymdaǵy 1–4 synyp oqýshylary onlaın oqýǵa jiberildi.

Buǵan deıin qatty aıazǵa baılanysty Astana qalasy men óńirlerdegi keıbir oqýshylar da qashyqtan oqytýǵa aýystyrylǵan bolatyn.

Eske sala keteıik, Qazaqstanda kún kúrt sýytyp, –40 gradýsqa deıin aıaz bolatynyn jazǵan edik.