SQO men Aqtóbe oblysynyń joldarynda kólik qozǵalysy shekteldi
NUR-SULTAN. QazAqparat – Aýa raıynyń nasharlaýyna baılanysty SQO men Aqtóbe oblysynyń joldarynda barlyq avtokólik túrleriniń qozǵalysyna shekteý salyndy, dep habarlaıdy QazAqparat QR IIDM Telegram-kanalyna silteme jasap.
7 naýryzda saǵat 17.00-de Soltústik Qazaqstan oblysynyń birqatar jolynda barlyq kólik túrleri úshin shekteý salyndy:
1. «Býlaevo – Vozvyshenka – Molodogvardeıskoe – Kırov – Qııaly – Roşınskoe», 0-68 shaqyrym, Qııaly jáne Roşınskoe aýyldarynyń aralyǵy.
2. «Voloshınka – Sergeevka - Tımırıazevo», 33-119 shaqyrym, Krıvoshekovo jáne Tımırıazevo aýyldarynyń aralyǵy.
3. «Roşınskoe-Korneevka-Voloshınka», 0-87 shaqyrym, Roşınskoe jáne Voloshınka aýyldarynyń aralyǵy.
Saǵat 17.00-de Aqtóbe oblysynda aýa raıynyń nasharlaýyna baılanysty (boran, joldyń kórinbeýi) «Samara-Shymkent» avtojolynyń 965-1153 shaqyrymy, Qarabutaq kenti men Yrǵyz aýylynyń arasynda júk jáne qoǵamdyq avtokólik túrleri úshin shekteý engizildi.
