SQO men Aqtóbe oblysynda úsik júredi - Qazgıdromet

ASTANA. KAZINFORM – Sınoptıkter respýblıkanyń 13 oblysynda aýa raıyna baılanysty eskertý jarııalady.

«Qazgıdromet» boljamynsha, 15 mamyrda Abaı oblysynyń batysynda jáne soltústiginde naızaǵaı oınaıdy. Ońtústik-batystan soltústikke, soltústik-shyǵystan batysqa, oblystyń soltústigine 15-20 m/s jyldamdyqpen jel soǵady. Abaı aýdanynyń ońtústiginde jáne Úrjar aýdanynda joǵary órt qaýpi saqtalady.

Kúndiz Atyraý oblysynyń ońtústigi men shyǵysynda naızaǵaı oınaıdy. Soltústik-shyǵystan jel soǵady, kúndiz naızaǵaıdyń ekpini 15-20 m/s bolady. Oblystyń soltústik-batysynda joǵary órt qaýpi saqtalady. Atyraý: 15 mamyrda kúndiz naızaǵaı oınaıdy.

Jetisý oblysynyń Alakól kólderi aımaǵynda ońtústik-shyǵystan jel soǵady, ekpini 15-20, kúndiz keı jerlerde 25 m/s bolady. Oblystyń shyǵysynda joǵary órt qaýpi saqtalady.

Tańerteń jáne kúndiz Túrkistan oblysynyń soltústiginde, batysynda, taýly aımaqtarynda naızaǵaı oınap, nóser jaýyn jaýady. Ońtústik-batystan soǵatyn jeldiń jyldamdyǵy sekýndyna soltústikte, batysta, oblystyń taýly jáne taý bókterindegi aýdandarynda 15-20 metrge, kúndiz ekpini 23 m/s-ke jetedi. Oblystyń shóleıtti aımaqtarynda asa joǵary órt qaýpi saqtalady.

Shymkent: 15 mamyrda ońtústik-batystan soǵatyn jeldiń ekpini kúndiz 15-20 m/s-ke jetedi.

Túrkistan qalasy: 15 mamyrda tańerteń jáne kúndiz naızaǵaı oınap, burqasyn soǵady. Tańerteń ońtústik-batystan soǵatyn jeldiń ekpini 15-20 m/s.

15 mamyrda Shyǵys Qazaqstan oblysynyń ońtústik-shyǵysynda joǵary órt qaýpi saqtalady.

Soltústik Qazaqstan oblysynyń batysynda túnde jáne tańerteń tuman túsedi. Oblystyń soltústiginde, shyǵysynda, ońtústiginde soltústik-batystan jel soǵady, ekpini 15-20 m/s. Túnde oblystyń batysynda - 3 gradýs úsik júrýi múmkin.

Petropavl: 15 mamyrda soltústik-batystan soǵatyn jeldiń ekpini kúndiz 15-20 m/s-ke jetedi.

Túnde soltústikte, shyǵysta, Ulytaý oblysynyń ortalyǵynda, kúndiz oblystyń shyǵysynda naızaǵaı oınaıdy. Túnde jáne tańerteń soltústikte, oblystyń ortalyǵynda tuman túsedi.

15 mamyrda túnde Qaraǵandy oblysynyń soltústik jartysynda kúndiz keı jerlerde qatty jańbyr jaýyp, kún kúrkireıdi, oblys ortalyǵynda soltústikte jáne shyǵysta naızaǵaı oınaıdy, burqasyn soǵady, túnde jáne tańerteń oblys ortalyǵynda jáne shyǵysynda tuman túsedi. Soltústik-shyǵystan jel soǵady, kúndiz oblystyń soltústiginde, shyǵysynda, ońtústiginde jyldamdyǵy 15-20 m/s-ke jetedi. Oblystyń batysy men ońtústiginde joǵary órt qaýpi saqtalady.

Qaraǵandy: 15 mamyrda naızaǵaı oınaıdy. Kúndiz soltústik-shyǵystan soǵatyn jeldiń ekpini 15-20 m/s.

15 mamyrda túnde Aqtóbe oblysynyń soltústiginde - 2 gradýsqa deıin úsik júredi. Oblystyń ońtústiginde joǵary órt qaýpi saqtalady.

Kúndiz Jambyl oblysynyń taýly aımaqtarynda naızaǵaı oınap, jaýyn-shashyn bolady. Jel ońtústik-shyǵystan soltústik-batysqa aýysady, ońtústik-batysta, soltústik-shyǵysta, oblystyń taýly aımaqtarynda jeldiń jyldamdyǵy sekýndyna 15-20 metrge jetedi.

Taraz: 15 mamyrda ońtústik-shyǵystan jel soǵady, kúndiz soltústik-batysqa aýysady, ekpini 15-20 m/s.

Qyzylorda oblysynyń shyǵysynda naızaǵaı oınaıdy. Oblystyń batysynda jáne shyǵysynda joǵary órt qaýpi saqtalady.

15 mamyrda Aqmola oblysynyń shyǵys jartysynda naızaǵaı oınaıdy. Túnde jáne tańerteń oblystyń batysy men ońtústiginde tuman túsedi. Oblystyń batysynda, shyǵysynda, ońtústiginde soltústik-shyǵystan jel soǵady, ekpini 15-20 m/s. Túnde oblystyń batysy men soltústiginde 2 gradýs aıaz bolady.

15 mamyrda Pavlodar oblysynyń ońtústigi men shyǵysynda qatty jańbyr jaýyp, kún kúrkireıdi. Naızaǵaı kezinde soltústikten soǵatyn jeldiń ekpini 15-20 m/s.