SQO men Aqmola oblysy balyq sharýashylyǵyn damytýdy birlesip qolǵa alýda
Nyǵmet Qaýashevtyń aıtýynsha, Esil oblysaralyq basseındik balyq sharýashylyǵy ınspektsııasy óz ókilettigin Aqmola jáne Soltústik Qazaqstan oblystarynyń ákimshilik shekaralary sheginde júzege asyrady. Aqmola oblysynyń ákimshilik sheginde 700-den astam sý aıdyny ornalasqan. Bul – salystyrmaly túrde úlken sý qoımalary, shaǵyn sý qoımalary, ózender jáne jergilikti kólder tárizdi ártúrli gıdrologııalyq nysandar. Sý aıdyndarynyń basym kópshiligi balyq sharýashylyǵy maqsatynda paıdalanylady, ózgesi sýda júzetin qustardy ósirý jáne demalý orny retinde qyzmet etedi, keıbireýlerinde omyrtqasyz janýarlar aýlanady.
«Aqmola oblysy boıynsha balyq sharýashylyǵy sý aıdyndarynyń tizbesine engizilgen 561 sý aıdyny bar. Onyń ishinde 348 sý qoımasy men ýchaskeleri (kól, ózen, toǵan) bektilgen bolsa, 156 sý qoımasy bekitilmegen, ıaǵnı, rezervtik qorda. Al, Soltústik Qazaqstan oblysy boıynsha 491 sý qoımasy bar. Onyń ishinde 292 bekitlse, qalǵan 199 cý qoımasy bekitilmegen. Balyq jáne ózge de sý janýarlaryn aýlaý boıynsha lımıt 2021 jyldyń 1 shildesinen bastap 2022 jyldyń 1 shildesine deıingi kezeń aralyǵyndaǵy ıgerilýi 1166,6 tonnany qurady. Onyń 19,4 myń tonnasy ıgerildi. Ótken jyly Aqmola oblysynyń tabıǵat paıdalanýshylary bekitilgen sý aıdyndaryna 17 mıllıon 147 myń teńgeniń 28 mıllıon 431 myń dana ártúrli balyq túrleriniń dárnásil tárizdi jas balyq shabaqtaryn jiberdi», -dedi Nyǵmet Qaýashev.
Inspektsııa basshysy atap ótkendeı, shabaqtardy jetkizýmen Zerendi balyq sharýashylyǵy kásiporny aınalysady. Bıyl Aqmola oblysynda balyq sharýashylyǵyn damytýǵa baǵyttalǵan 2021-2030 jyldarǵa arnalǵan óńirlik baǵdarlama ázirlendi. Baǵdarlama balyq ónerkásibi qyzmetiniń balyq aýlaý, balyq ósirý jáne qaıta óńdeý tárizdi negizgi túrlerin damytýǵa baǵyttalǵan. Ondaǵy basty maqsat – halyqty balyq ónimderimen qamtamasyz etýdiń kórsetkishterin arttyrý jáne balyq sharýashylyǵyn damytý úshin jaǵdaı jasaý. Oblysta balyq sharýashylyǵyn damytýdyń óńirlik baǵdarlamasy aıasynda taýarly balyq óndirisiniń kólemin 10 308 tonnaǵa arttyrý josparlanýda, 302-den astam jańa sharýashylyq jáne 500 jumys orny ashylady. Balyq ósirýdiń sýbsıdııasy 2021-2030 jyldary qarastyrylǵan.
«Osy baǵdarlama aıasynda taýarly balyq sharýashylyǵynyń jyldyq kólemin 10 myń tonnaǵa deıin arttyrý boıynsha birneshe joba júzege asyrylýda. Jyl basynan beri ınspektsııa qyzmetkerleri brakonerlik faktilerdiń jolyn kesý boıynsha 1538 reıdtik is-shara ótkizdi. Onyń qorytyndysy boıynsha tabıǵatty qorǵaý zańnamasyn buzýdyń 472 faktisi anyqtaldy. Sondaı-aq, 471 jeke tulǵa ákimshilik jaýapqa tartylyp, 12 is materıal sot organdaryna, sondaı-aq, quqyq qorǵaý organyndaryna 1 is materıaly jiberildi. Quqyq buzýshylarǵa 8 318 711 teńge kóleminde aıyppul salyndy. Esil basseıniniń sý aıdyndarynda «Taza sý aıdyndary» tabıǵatty qorǵaý aktsııasyn ótkizý kezinde 2021 jyldyń 1 mamyry men 31 mamyr aralyǵynda qoqystan jáne ıesiz aýlaý quraldarynan tazartý boıynsha barlyǵy 768 adam qatysyp, 269 avtokólik, 93 júzý quraly paıdalanyldy. Aýdany 38,34 gektar akvatorııada traldaý jolymen 285 ıesiz qalǵan aýlaý quraldary jınaldy, 38,34 tonna qatty turmystyq qoqys shyǵaryldy», - dep qosty Nyǵmet Qaýashev.
Sonymen qatar, ınspektsııa basshysy búgingi kúni Esil oblysaralyq basseındik balyq sharýashylyǵy ınspektsııasynyń materıaldyq-tehnıkalyq bazasy nyǵaıyp kele jatqandyǵyn atap ótti.
«Búgin ınspektsııa jol talǵamaıtyn úsh «JAK» kóligi jáne eki «KAZVOAT» qaıyǵy satyp aldy. Bul kólikter balyq sharýashylyǵyn qorǵaý, ósimin molaıtý jáne brakonerlikpen kúresý maqsatynda paıdalanylatyn bolady», - dep túıindedi Nyǵmet Qaýashev.
