SQO men Aqmola oblysynda 15 sáýirden bastap balyqtyń keı túrlerin aýlaýǵa tyıym salynady
PETROPAVL. KAZINFORM – Orman sharýashylyǵy jáne janýarlar dúnıesi komıtetiniń buıryǵymen Esil basseıniniń sý qoımalarynda balyq aýlaýǵa shekteý engizildi.
Soltústik Qazaqstan oblysy boıynsha balyq ınspektsııasynyń málimetinshe, bul shara ýyldyryq shashý kezeńinde balyq resýrstaryn qorǵaý maqsatynda qolǵa alyndy. Aqmola jáne Soltústik Qazaqstan oblystarynyń turǵyndary bul shekteýlerdi qatań ustanýy qajet. Sebebi zańsyz balyq aýlaý ákimshilik nemese qylmystyq jaýapkershilikke ákep soǵýy múmkin.
Máselen, shortan, aqqaıran, kókserkeni 15 sáýirden 15 mamyrǵa deıin aýlaýǵa tyıym salynady.
Al tuqyny 20 mamyrdan 20 maýsymǵa deıin aýlaýǵa bolmaıdy. Gammarýsty 1 tamyzdan 14 qyrkúıekke deıin, Artemııa tsıstalaryn 1 naýryzdan 15 maýsymǵa deıin, al ózen shaıandaryn 1 maýsymnan 15 shildege deıin aýlaýǵa tyıym salyndy.
Esil, Nura, Sileti ózenderi jáne olardyń barlyq salalary men sý qoımalarynda 20 sáýirden 20 mamyrǵa deıin balyq aýlaýǵa shekteý qoıyldy.
Esil oblysaralyq basseındik ınspektsııasy turǵyndardy tabıǵı resýrstarǵa jaýapkershilikpen qaraýǵa, balyq qoryn saqtaýǵa shaqyrdy.
Buǵan deıin Aqtóbede shaǵyn kólshikte balyq qyrylǵanyn jazǵan edik.
