SQO mektepterinde avtoslesar, elektrıkter daıarlaıtyn beıindi synyptar ashylady

PETROPAVL. KAZINFORM — Soltústik Qazaqstan oblysynda Jumysshy mamandyqtar festıvali ótti.

SQO ákimdiginiń málimetinshe, ıAvlenka aýylynda uıymdastyrylǵan festıvalde óńirdiń 20 kolledji bilim berý baǵdarlamalaryn tanystyryp, jastarǵa jumysshy mamandyqtaryna oqý jáne jumysqa ornalasý múmkindikteri týraly aqparat berdi. 

Búginde oblystyń 15 kolledji 16 jańa mamandyq ashý úshin júıeli jumys júrgizip jatyr, onyń 14-i naryqta suranysqa ıe jumysshy mamandyqtary. Jaqyn arada tuqym ósirýshi, qus ósirýshi, eginshi sııaqty suranysqa ıe mamandardy daıarlaý bastalady. Petropavlda jumys berýshilerdiń qoldaýymen mektepterde «avtoslesar» jáne «elektrık» beıindi synyptar ashylmaq.

— Óńirde jumysshy kadrlarǵa degen tapshylyqty eskere otyryp, bıyl jumysshy mamandyqtar boıynsha memlekettik bilim berý tapsyrysy 105 grantqa ulǵaıyp, 1742 orynǵa jetti. Atap ótetin jaıt, qazir bizdiń túlekterdiń jumysqa ornalasý jáne jumyspen qamtylý kórsetkishi — 98%, — dedi SQO ákimi Ǵaýez Nurmuhambetov.

Mektep oqýshylaryn erte jastan kásibı baǵdarlaý maqsatynda kolledjderde «Junior Skills», «Úzdik mamandyq ıesi» sııaqty konkýrstarǵa, sondaı-aq kásibı sheberlik chempıonattaryna 7 myń túlek qatysty. 29 myń oqýshy zaýyttarǵa baryp, jumysyn kórdi. WorldSkills óńirlik chempıonaty 3 myń jas mamandy biriktirdi. Respýblıkalyq WorldSkills birinshiliginde SQO stýdentteri 2 altyn, 2 kúmis, 3 qola medal jeńip aldy.

Bul jumys jyl sońyna deıin jalǵasady. Kásibı sheberlik konkýrstary, jumysshy mamandyqtar boıynsha jas kóshbasshylar forýmy, sheberlik sabaqtary, sondaı-aq jańa mamandyqtar atlasyn ázirleý josparlanǵan. Bul is-sharalar jastardy jumysshy mamandyqtaryna qyzyqtyrýǵa, bolashaq mamandyqty sanaly tańdaýǵa yqpal etpek. 

Esterińizge salaıyq, buǵan deıin jumysshy mamandyq ıelerine qaı salada kóp aılyq tóleıtinin jazǵan edik.