SQO mektep ashanasynan tyıym salynǵan taǵamdar tabyldy
Partııa fılıaly baspasóz qyzmetiniń málimetinshe, monıtorıng Qyzyljar aýdanynyń birneshe mektebinde júrgizilgen.
«Báıterek aýylynda normatıvtik-quqyqtyq aktilermen tyıym salynǵan qýyrylǵan qamyrǵa oralǵan shujyq satylǵan. Monıtorıng tobynyń músheleri ata-analar shaǵym qaldyratyn jýrnaldyń joqtyǵy, as máziriniń sáıkes kelmeýi, azyq-túlik aqaýlaryn anyqtaý boıynsha kitaptyń durys rásimdelmeýine baılanysty eskertýler aıtqan», - dep habarlady baspasóz qyzmetinen.
Partııalyqtar aýdan ortalyǵy Beskól aýylyndaǵy mektep-gımnazııa ashanasynan birqatar kemshilikterdi anyqtaǵan.
«Onda taza aýyzsý apparattary da, bir ret paıdalanylatyn staqandar da joq. Báıterek aýylynda sý ishý úshin plastmassadan jasalǵan ydysty qoldanǵan. Bul durys emes, gıgıenaǵa saı emes. Ydys-aıaqqa da qatysty biraz másele bar. Jıhaz eski, ústelder shaıqalyp jatyr. Oqýshy qolyna ystyq shaı alsa, baıqaýsyzda ony ústine tógip alyp, kúıik shalýy múmkin ǵoı. Mundaǵy as mázirine de nazar aýdarý kerek, ol tórt aptalyq jáne kún saıynǵy bolýy tıis», - dep atap ótti «Nur Otan» partııasy Soltústik Qazaqstan oblystyq fılıaly tóraǵasynyń birinshi orynbasary Artýr Moldaǵulov.
Bul ashanany jalǵa alýshy tenderdi ótken jyldyń sońynda utyp alǵanyn, al jumysqa qańtar aıynda kiriskenin, sondyqtan barlyq máselelerdi sheship úlgermegenin aıtty.
«Sońǵy aıda aımaqtaǵy 120 mektepte ınspektsııa júrgizilgen. Monıtorıng tobynyń músheleri esepke alý qujattamasyn, sarapshy komıssııanyń jumysyna qatysty materıaldardy, dıetolog nemese sanıtar bekitken as máziriniń bolýyn, mektep oqýshylarynyń aýyzsýmen qamtamasyz etilýin jáne tamaqtanýdyń normalarǵa sáıkes bolýyn tekserip jatyr», - dep qosyp ótti baspasóz qyzmetinen.
Soltústik Qazaqstan oblysynda «Mektep ashanalary» partııalyq jobasy bıylǵy jyldyń basynan beri jumys isteı bastaǵan.
Avtor: Olesıa Jýkoven