SQO máslıhatynyń tóraǵasy laýazymyna Vladımır Býbenko saılandy

PETROPAVL. QazAqparat – Soltústik Qazaqstan oblysy máslıhatynyń tóraǵasy bolyp Vladımır Býbenko saılandy, dep habarlaıdy QazAqparat tilshisi.

SQO máslıhatynyń málimetinshe, Vladımır Býbenko 1954 jyly dúnıege kelgen. Qazirgi M.Jumabaev aýdany Nadejka eldi mekeniniń týmasy.

1976 jyly Tselınograd aýyl sharýashylyǵy ınstıtýtyn ınjener-mehanık mamandyǵy boıynsha bitirgen.

Eńbek jolyn burynǵy Býlaev aýdanynyń Kalının atyndaǵy keńsharynda aǵa dıspetcher bolyp bastady.

1977 jyldan Býlaev aýdany «Molodejnyı» keńsharynyń MTSh meńgerýshisi, keńshardyń bas ınjeneri boldy.

1979 jyly Býlaev aýdandyq komsomol komıtetiniń birinshi hatshysy qyzmetin atqardy.

1982 jyldan Býlaev aýdany «Medvejınskıı» keńsharynyń bas ınjeneri.

1984-86 jyldary SQO Sokolov aýdandyq aýyl sharýashylyq basqarmasynyń bas ınjeneri boldy.

1986-92 jyldary Sokolov aýdandyq aýdandyq agroónerkásiptik birlestigi tóraǵasynyń orynbasary, MTS bazasynyń basqarýshysy.

1992 jyldan - SQO Sokolov aýdandyq ákimshiligi basshysynyń orynbasary - SQO AAÓB tóraǵasy.

1995 jyldan - SQO Sokolov aýdany ákiminiń birinshi orynbasary.

1997-2004 jyldar aralyǵynda Qyzyljar aýdany ákiminiń orynbasary, Qyzyljar aýdanynyń ákimi qyzmetterin atqardy.

2004 jyldyń qańtarynan SQO ákiminiń Aýyl sharýashylyǵy jáne jer qatynastary departamenti bastyǵynyń birinshi orynbasary.

2004 – 2014 jyldary Esil aýdanynyń ákimi, M. Jumabaev, Mamlıýt aýdandarynyń ákimi boldy.

2014 jyly SQO ákiminiń orynbasary laýazymyna taǵaıyndaldy.

2016 jyldan beri SQO máslıhatynyń tóraǵasy, osymen úshinshi ret saılanyp otyr.

Vladımır Býbenko bir mandatty okrýgter boıynsha SQO máslıhatynyń depýtattyǵyna №8 saılaý okrýgi boıynsha ótken edi.