SQO Mádenıet, tilderdi damytý jáne arhıv isi basqarmasyna jańa basshy taǵaıyndaldy
PETROPAVL. KAZINFORM – Soltústik Qazaqstan oblysy ákiminiń ókimimen jáne Qazaqstan Respýblıkasy Memlekettik qyzmet isteri agenttiginiń kelisimi boıynsha Janat Seksenbaev oblys ákimdiginiń Mádenıet, tilderdi damytý jáne arhıv isi basqarmasynyń basshysy bolyp taǵaıyndaldy.
Oblys ákimdiginiń málimetinshe, Janat Seksenbaev 44 jasta, Aqmola oblysy Sandyqtaý aýdany Ostrogorka aýylynyń týmasy. Qazaq ulttyq mýzyka akademııasyn «Dırıjer» mamandyǵy boıynsha támamdaǵan. Sondaı-aq M.Nárikbaev atyndaǵy Qazaq memlekettik zań ýnıversıtetinde iskerlik ákimshilendirý magıstri dárejesin alǵan.
Eńbek jolyn Qazaq ulttyq mýzyka akademııasynda bastaǵan. Ár jyldary «Degdar» gýmanıtarlyq qorynyń bas koordınatory, Astana ulttyq kartınalar galereıasy, Beıbitshilik jáne kelisim saraıynda kontserttik qyzmettiń basshysy bolyp eńbek etti.
Sondaı-aq QR Mádenıet jáne sport mınıstrliginiń R.Baǵlanova atyndaǵy «Qazaqkontsert» memlekettik kontserttik uıymynda arnaıy jobalardy uıymdastyrý jáne kontsert bóliminiń basshysy, dırektordyń orynbasary qyzmetterin atqardy. E.Rahmadıev atyndaǵy Memlekettik akademııalyq fılarmonııasy bas dırektorynyń orynbasary boldy.
Osy taǵaıyndaýǵa deıin Janat Seksenbaev K.Baıseıitova atyndaǵy Qazaq ulttyq óner ýnıversıtetiniń organ zalynyń saqtaýshysy qyzmetin atqardy.
Buǵan deıin Pavlodar oblysynyń Ekonomıka jáne bıýdjettik josparlaý basqarmasyna jańa basshy taǵaıyndalǵanyn jazǵan edik.
