SQO Qyzyljar aýdanynda birneshe baspanany tonaǵan ákki urylar ustaldy
PETROPAVL. QazAqparat – Soltústik Qazaqstan oblysy Qyzyljar aýdanynyń Teplıchnoe eldi mekeninde bir aıǵa jýyq halyqty zar ıletken urylar ustaldy, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, páter urylary qazan aıynda Teplıchnoe eldi mekenindegi 7 úıge túsken. Olar kózge ilikkenniń bárin – santehnıkany, qurylys materıaldaryn, qural-jabdyqtardyń qoldy etken. Qaskóılerdi ustaý úshin aýdandyq polıtsııa bóliminiń tergeýshileri jáne ýchaskelik polıtseı keshendi jumystar atqardy. Eńbekteri zaıa ketpeı kúdiktini anyqtaý múmkin boldy.
Krımınaldy polıtsııa bóliminiń basshysy Dýlat Súleımenov, jedelýákil Nurtas Ibraev, aǵa leıtenanttar Rýstam Áýbákirov pen Syrym Janpeısov seloǵa kezekti ret kelgende jyl basynda jazasyn ótep shyqqan eldi meken turǵynyn baıqaıdy. Tártip saqshylarynyń kúdigi beker bolmapty, krımınalıstik jáne jedel is-sharalar barysynda onyń urlyqqa qatystylyǵy rastalyp, urlanǵan zattar tárkilendi.
«Qylmysqa qatysy bar ekinshi adamnyń da aty-jónin anyqtadyq. Qazir ony izdestirip jatyrmyz. Al kúdikti - 36 jastaǵy Teplıchnoe selosynyń turǵyny qamaýǵa alyndy», - deıdi Qyzyljar aýdandyq polıtsııa bólimi bastyǵynyń orynbasary Arman Jetepov.
